4 years ago
October 17, 2020
काठमाडौं (हाम्रो खेलकुद) – नेपाली राष्ट्रिय महिला भलिबल टोलीकी कप्तान अरुणा शाही कमल सुनचाँदाी दुकानको ब्रान्ड एम्वासडर नियुक्त भएकी छिन् ।
कप्तान अरुणाले कमल सुनचाँदी दुकानसँग एक वर्षको लागि सम्झौता गरेका हुन् । म्याग्दीको सदरमुकाम बेनी र कास्की पोखराको न्युरोडमा रहेको सुनचाँदी दुकानका सञ्चालक कमल विश्वकर्मा र कप्तान अरुणा शाहीबीच एक वर्षको लागि सम्झौता पत्रमा हस्ताक्षर गरेका हुन् ।
सञ्चालक विश्वकर्माले महिला राष्ट्रिय टोलीको नेतृत्व गरिरहेका अरुणामा आफ्नो कम्पनीको ब्रान्ड एम्वासडर बनाउन पाँउदा खुशी लागेको र यो कार्यले आफ्नो उत्पादनले पनि बजार लिनेमा विश्वस्त रहेको बताएका छन् । कप्तान अरुणाले यो एक वर्षको अवधिमा आफुले भ्याएसम्म कम्पनीको उत्पादनको सक्दो प्रचार प्रसार गर्ने बताइन् ।
सन् २०१४ मा काठमाडौंमा आयोजना भएको माल्दिभ्ससँगको मैत्रीपुर्ण खेलबाट राष्ट्रिय टोलीमा डेब्यु गरेयता उनी टोलीको महत्वपुर्ण सदस्य रहँदै आएकी छिन् । २०१९ मा राष्ट्रिय टोलीको कप्तानको जिम्मेवारी पाएकी अरुणाकै कप्तानीमा नेपाली महिला भलिबल टोली बंगलादेशमा सम्पन्न एभीसी एसियन सेन्ट्रल जोन सिनियर महिला भलि च्याम्पियनसिपमा स्वर्ण तथा नेपालमै आयोजना भएको १३औं दक्षिण एसियाली खेलकुद (साग) मा ऐतिहासिक रजतपदक जित्न सफल भएको थियो ।
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
January 19, 2025
हिमाल खरेल, बिर्तामोड भारतको सुदेवा दिल्ली एफसीलाई हराउँदै फुटबल क्लब झापा ११ एफसी भारतको सिक्किममा जारी १० औं अल इन्डिया चिफ मिनिस्टर्स गोल्डकपको फाइनलमा प्रवेश गरेको छ । सिक्किमको जोरथाङ रंगशालामा आज भएको अन्तिम सेमिफाइनल खेलमा भारतको सुदेवा एफसी नयाँ दिल्लीलाई २-१ ले हराउँदै झापा ११ उपाधिनजिक पुगेको हो । उपाधिका लागि झापा ११ ले […]
January 19, 2025
काठमाडौं (हाम्रो खेलकुद)- केबी साम नेपाल कबड्डी लिग (एनकेएल) मा पोखरा लेकर्सलाई ३४-३० ले हराउँदै हिमालयन रेडर्सले पहिलो जित निकालेको छ। पोखराको भने यो लगातार दोस्रो हार हो। राष्ट्रिय खेलकुद परिषद्को कभर्ड हलमा आइतवार दिनको दोस्रो खेलको पहिलो हाफ फितलो रह्यो। दुवै टोलीले बोनस र टचबाट स्कोर गर्ने प्रयास गरे। पहिलो हाफमा हिमालयनले १३-११ को […]
