काठमाडौं (हाम्रो खेलकुद) – राष्ट्रिय खेलकुद परिषद अन्तर्गत स्क्वासका प्रशिक्षक हिरा बहादुर थापालाई कोरोना भाइरस (कोभिड–१९) को संक्रमणमुक्त भएका छन् ।

पूर्व राष्ट्रिय च्याम्पियन समेत रहेका थापाले सोमबार बिहान सामाजिक सन्जाल फेसबुकमा स्टाटस राख्दै आफु २३ दिनपछि कोरोनामुक्त भएको जानकारी दिएका हुन् । प्रशिक्षक थापा २५ साउनदेखि सातदोबाटोस्थित स्क्वास भवनको एक फ्लोरमा सेल्फ आइसोलेसनमा रहेका थिए ।
उनले कोरोना संक्रमण पुष्टि भएपछि र आइसोलेसनमा बस्दासमेत कोरोनाको कुनै लक्षण नदेखिएको समेत बताएका छन् ।

यस्तै प्रशिक्षक थापाले अझै केही दिन आइसोलेसनमा बसेर परिवाससँग जमघट गर्ने बताएका छन् । उनले आफ्नो रिकभरी समयमा आफ्नो स्वास्थ्यबारे चासो लिने नेपाल स्क्वास एन्ड र्याकेट संघ परिवारलगायत सबैलाई धन्यवाद ज्ञापन गरेका छन् ।

साउन २४ गते शनिबार स्टार अस्पतालमा पुगेर स्वा संकलन गरेको रस्वास्थ्य मन्त्रालयबाट कोरोना पोजेटिभ देखिएको खबर पाएपछि उनी २५ साउनदेखि सेल्फ आइसोलेसनमा बसेका थिए । थापाले दोस्रोपटक पाटन अस्पताल पुगेर गत बिहीबार पुन स्वाब संकलन गराएका थिए । रिपोर्ट आउन समय लागेपछि उनी लामो समय सेल्फ आइसोलेसनमा बस्नुपरेको थियो । प्रशिक्षक थापा ६० सालयता राखेप अन्तर्गत स्क्वासको प्रशिक्षक रहेका छन् ।