जापानमा भेट्ने बाचा गर्दै रियो ओलम्पिक समापन

आज बिहान भब्य समरोह बिच ३१औँ ग्रीष्मकालीन ओलम्पिकको समापन भएको छ । २०६ देशका ११,३०३ खेलाडी प्रतिस्पर्धा गरेको प्रतियोगिता ब्राजिलमा १६ दिन सम्म चलेको थियो । ओलम्पिक २०२० आयोजना गर्ने जिम्मा यस अघिनै जापानले पाईसकेको छ । समापन समारोहमा जापानिज प्रधान मन्त्री सिन्जो चार्चित भिडियो गेम चरित्र मरिओको भेषमा उपस्थित भएका थिए ।

यसपालीको समापन समरोह १ अर्ब भन्दा धेरैले प्रतक्ष्य हेरेको अनुमान गरिएको छ । समरोहमा बोल्दै ईन्टरनेशनल ओलम्पिक कमिटिका प्रमुख थोमस ब्याचले भन्नु भयो,” यो ओलम्पिक निकै नै उत्कृष्ट ढङ्ले उत्कृस्त शहरमा निकै सफल तरिका आयोजना भयो, निकैनै चुनौतिपूर्ण घडीमा ब्राजिलले पछील्लो १६ दिनमा एक भएर आयोजना गरेको ओलम्पिकले सरा संसारलाई एक बनाएको छ, हर्ष र उमग छाएको छ ।”

रियो ओलम्पिकमा अमेरिकाले सर्वाधिक ४६ स्वर्णका साथ १२१ मेडल जितेको थियो भने ब्रीटेनले २७ स्वर्णका साथ ६७ मेडल जितेको थियो । तेस्रो स्थानमा अन्त्य गरेको चीनले २६स्वर्णका साथ ७० मेडन जितेको थियो ।