5 years ago
June 28, 2020
काठमाडौं (हाम्रो खेलकुद) – उसुका राष्ट्रिय खेलाडी विरमान लामाको निधन भएको छ । काभ्रेपलान्चोकको बेथानचोकस्थित निवासमा उनी आईतबार विहान मृत अवस्थामा फेला परेका थिए ।
२६ वर्षीय वीरमान कोरोनाका कारण सबै खेल गतिविधि रोकिएपछि गाउँ फर्केका थिए । पारिवारिक स्रोतका अनुसार अघिल्लो दिन फुटबल खेलेर खान खाएपछि सुतेका उनी विहान ओछ्यानमा मृत अवस्थामा फेला परेका थिए । क्योकुसिन करांतेबाट खेलकुद यात्रा सुरु गरेका वीरमान पछिल्लो समय उसुमा आबद्ध रहेका थिए ।
सन् २०१८ मा इन्डोनेसियामा भएको एसियाली खेलकुदमा उनले नेपालको प्रतिनिधित्व गर्ने अवसर पाएपनि खेल्न पाएका थिएनन् । उनले राखेप च्याम्पियनसिपमा स्वर्ण पदक जितेपछि एसियाली खेलकुदका लागि छनोट भएका थिए । उनले इन्डोनेसिया पुगेर पनि उसु संघमा विवादका कारण खेल्न पाएका थिएनन् ।
इन्डोनेसियाबाट फर्केपछि वीरमानले उसु खेलमा सहभागिता जनाएनन् । उनले घरेलु प्रतियोगितामा त्रिभुवन आर्मी क्लबबाट खेल्दै आएका थिए । उनले क्योकुसिन करातेमा पनि राष्ट्रिय स्तरका प्रतियोगिता जितेका थिए ।
February 19, 2025
एजेन्सी – च्याम्पियन्स ट्रफीको पहिलो खेलमा पाकिस्तानले टस जितेको छ। न्युजिल्यान्ड विरुद्धको खेलमा टस जितेको पाकिस्तानले पहिले बलिङ गर्ने भएको छ। आयोजक पाकिस्तान प्रतियोगिताको साविक विजेता पनि हो।
February 19, 2025
काठमाडौं (हाम्रो खेलकुद) – नेपाली राष्ट्रिय महिला फुटबल टोलीकी फरवार्ड सावित्रा भण्डारी ‘साम्बा’ लाई प्रधानमन्त्री राष्ट्रिय प्रतिभा पुरस्कार-२०८१ बाट पुरस्कृत गरिने भएको छ । सरकारले विभिन्न क्षेत्रमा उल्लेखनीय योगदान पुर्याउने प्रतिभाशाली नागरिकलाई प्रदान गर्ने पुरस्कार अन्तर्गत विभिन्न विधाका १० जना पुरस्कृत हुँदा खेलकुदबाट साम्बा पुरस्कृत हुने भएकी हुन् । राष्ट्रिय प्रजातन्त्र दिवस २०८१ का अवसरमा […]
February 19, 2025
काठमाडौं (हाम्रो खेलकुद)- पाकिस्तान र युएइमा संयुक्त रुपमा आयोजना हुने च्याम्पियन्स ट्रफी २०२५ का सबै खेलको नेपालमा प्रत्यक्ष प्रसारण हुने भएको छ । नेपाल क्रिकेट संघ(क्यान) ले सोमवार प्रतियोगिताका सबै खेल आइसिसी डट टिभिमा प्रत्यक्ष प्रशारण हुने जनाएको हो । प्रत्यक्ष प्रसारण हेर्न एप स्टोर तथा प्ले स्टोरबाट आइसिसी टिभी डाउनलोड गर्नु पर्नेछ । पाकिस्तान […]
