काठमाडौं (हाम्रो खेलकुद)– भर्चुअल अन्तर्राष्ट्रिय पुम्से च्याम्पियनसिपमा नेपालले अर्को स्वर्ण पदक जितेको छ । गए राती भएको प्रतिस्पर्धामा मुस्कान सेवाका दावा शेर्पाले स्वर्ण पदक जितेका हुन् । दावाले कलर बेल्टमा पहिलो स्थान प्राप्त गरेका हुन् ।

च्याम्पियनसिपको तेस्रो दिन सष्मिता केसी र अर्जुन तामाङले रजत पदक जितेका छन् । माइती नेपालीकी सष्मिताले पनि कलर बेल्टमा रजत पदक जितेकी हुन् । युएस वेस्ट कोस्ट तेक्वान्दो संघ, पोर्टल्यान्ड, अमेरिकाको तत्वावधान तथा पान अमेरिकन तेक्वान्दो युनियन, पोर्टल्यान्डको आयोजनामा जारी प्रतियोगिताको पहिलो दिन नेपालले एक स्वर्ण र एक कास्य पदक जितेको थियो ।

च्याम्पियनसिप लक्ष्मणले ५० वर्ष मूनिको समूहमा स्वर्ण पदक जितेका थिए । त्यस्तै ४० वर्ष मूनीमा रेशमाया गुरुङले कास्य पदक जितेकी थिइन् । यो च्याम्पियनसिपमा जुममार्फत प्रत्यक्ष पुम्से प्रदर्शन गर्नुपर्ने थियो । अघिल्लो महिना भएको अनलाईन पुम्से युरोपियन च्याम्पियनसिप र विश्व च्याम्पियन्सिपमा पुम्सेको भिडियो खिचेर यूट्युब लिंक पठाएर सहभागि हुनपर्ने थियो ।

सो च्याम्पियनसिपमा नेपालका अशोक खड्काले निर्णायकको भूमिका निर्वाह गरिरहेका छन् । कोरोना भाइरस कोभिड १९ का कारण पछिल्लो समय अनलाइन पुम्से प्रतियोगिता हुँदै आएरहेका छन् ।