नेपाल बक्सिङ्ग संघको नया कार्यसमितिका पदाधिकारीहरुले बक्सिङ्ग खेलाडी इन्द्र बहादुर राना मगरलाई रु. १,१२,५००/– (अक्षरुपी एक लाख बाह्र हजार पाच सय) सहयोग गरेको छ ।

विगत एक वर्ष देखि क्यान्सर पिडित भई नेपाल क्यान्सर हस्पिटलमा उपचाररत खेलाडी इन्द्रलाई नेपाल बक्सिङ्ग संघका अध्यक्ष श्री राम अवालेले उक्त रकम हस्तान्तरण गरे । उक्त रकम हस्तान्तरणमा नेपाल बक्सिङ्ग का मुख्य प्रशिक्षक प्रकाश थापामगर, पुर्व बक्सिङ्ग खेलाडीहरु ओम नारायण श्रेष्ठ, रत्न अवाले, श्याम अवाले, पुष्करराज पन्त, राजन प्रजापति, मनोहर बस्नेत लगायतको उपस्थिति थियो । इन्द्रको उपचारमा उपचाररत डाक्टरहरुको टीममा संलगन एक जना डा. कपिन्द्र अमात्यका अनुसार ईन्द्रको अवस्था अहिले त्यति राम्रो छैन । उहाको आन्द्राको धेरै भागमा क्यान्सर फैलिईसकेको छ ।

लामो समय देखि उहाको मलद्वारमा दिशा जमेको अवस्था रहेको थियो । उहाको पेटका लगभग सवै आन्द्रामा नै क्यान्सरको संक्रमण भई दिशा गर्ने बाटो नै बन्द रहेको अवस्थामा हामीले श्रावण ४ गते मंगलबार एउटा अप्रेशन गरी दिशा जाने बाटो खोलेका थियौ, जसले गर्दा उहालाई मल निस्कासनमा अलि सजिलो भएको छ ।” डाक्टर अमात्यले भने । पछिल्लो समयमा उहााको

मस्तिस्कमा पनि संक्रमण फैलिएको शंका हामीले गरेका छौ जसले गर्दा उहालाई अहिले श्वास फेर्न गार्‍हो भईरहेको छ । उहाको उपचार आई.सी.यूमा राखी गरी रहेको छौ ।