सातौं राष्ट्रिय खेलकुद मंसिरका लागि तय

काठमाडौं (हाम्रो खेलकुद) – दुई पटक स्थगित सातौं राष्ट्रिय खेलकुदको पुनः नयाँ मिति तय भएको छ । राष्ट्रिय खेलकुद परिषद् (राखेप) को आइतबार बसेको बोर्ड बैठक (१ सय ६) राष्ट्रिय खेलकुद पूर्वाञ्चलमा मंसिर ७ देखि १५ गते सम्म आयोजना गर्ने निर्णय गरेको छ । सरकारले जेठ १५ गते आर्थिक बर्ष २०७३/०७४ को बजेटमा राष्ट्रिय खेलकुदका लागि २० करोड रुपैयाँ विनियोजन गरेको थियो ।

गत बर्ष राखेपले मंसिर ११ देखि १८ गते र अर्को पटक फागुन १८ देखि २३ गतेसम्म सातौं राष्ट्रिय खेलकुद आयोजनाको मिति तय गरेको थियो । तर, दुवै पटक हुन सकेन ।
राखेपका अध्यक्ष समेत रहेका युवा तथा खेलकुद मन्त्री सत्यनारायण मण्डलको अध्यक्षतामा बसेको बैठकले १३ औं साग आयोजनाका विषयमा छलफल गरेको थियो । नेपालले दुई बर्षपछि आयोजनाको जिम्मेवारी पाएपनि सरकारले अहिलेसम्म आयोजक समिति गठन र्ग सकेको छैन । सरकारले साग मुल आयोजक समिति नबन्दा सम्म राखेप सदस्य सचिव केशवकुमार विष्टको संयोजकत्वमा साग तयारी डेस्क स्थापना गर्ने निर्णय भएको राखेप उपाध्यक्ष लामा टेन्डी शेर्पाले जानकारी दिए । राखेपले गत बर्ष सातौं राष्ट्रिय खेलकुदमा ३५ खेल समावेश गरिने निर्णय गरेको थियो ।