default_image

5 years ago

December 22, 2019

सूर्य नेपाल गल्फ टुर : सेन्ट्रल ओपनसँगै सिजनको सुरुवात

145 views

0 Bookmark

काठमाडौं (हाम्रो खेलकुद) – सूर्य नेपाल गल्फ टुर २०१९/२० अन्तर्गत सिजनको पहिलो प्रतियोगिता सूर्य नेपाल सेन्ट्रल ओपन काठमाडौंस्थित गोकर्ण फरेस्ट गल्फ रिसोर्टमा सुरु हुँदैछ ।

सोमबार सुरु हुने प्रतियोगितामा नेपाली व्यावसायिक गल्फ इतिहासकै सर्वाधिक सहभागिता हुँदैछ । यसपटक ४३ व्यावसायिक गल्फरहरुले प्रतियोगितामा सहभागिता जनाउने भएका छन् । यीसँगै ११ एमेच्योर गरेर कुल ५४ गल्फरले प्रतिस्पर्धा गर्नेछन् । प्रतियोगिताको कुल पुरस्कार राशी ७ लाख रुपैयाँ रहेको छ । विजेताले १ लाख २५ हजार, दोस्रो हुनेले ८० हजार तथा तेस्रो स्थान हासिल गर्नेले ५८ हजार रुपैयाँ प्राप्त गर्नेछन् । शीर्ष २१ व्यावसायिक खेलाडीले नगद पुरस्कार प्राप्त गर्नेछन् ।

यसपटक टुरमा नयाँ नम्बर १ भुवन नगरकोटी र अघिल्लो सिजन आधा टुर गुमाएर पनि दोस्रो वरीयता हासिल गरेका शिवराम श्रेष्ठलाई उपाधि दावेदारको रुपमा हेरिएको छ । सागमा दोहोरो स्वर्ण पदक जित्न सफल सुवास तामाङले एमेच्योर ट्रफीका लागि खेल्नेछन् । उनीसँगै टिम इभेन्टमा स्वर्ण जितेका शुक्रबहादुर राई र टंकबहादुर कार्कीले भने यसपटक व्यावसायिक खेलाडीका रुपमा खेल्दैछन् । दुवै गल्फरलाई दावेदारको रुपमा हेरिएको छ ।

अघिल्लो महिना मात्र व्यावसायिक गल्फर बनेका युवा खेलाडी विनोद तामाङ र विपिन तामाङसँगै सुनिल केसी, कमल थापा र भिमसेन चौलागाईंले पनि यस प्रतियोगिताबाट डेब्यु गर्दैछन् । यसपटक टुरमा कुल ८ इभेन्ट रहने र कुल पुरस्कार राशी ५५ लाख ३६ हजार ७ सय ५० रुपैयाँ रहने नेपाल व्यावसायिक गल्फर्स संघ (एनपीजीए) ले जनाएको छ ।

एनपीजीए अध्यक्ष रविन्द्रमान श्रेष्ठले टुरको १२ औं वर्षमा आइपुग्दा नेपालको गल्फ खेलको विकासमा यस टुरले महत्त्वपूर्ण भूमिका खेलेको बताए । व्यावसायिक र एमेच्योर दुवै खेलाडीलाई सहयोग पुर्याएकै कारण पछिल्लो समय गल्फलेअन्तर्राष्ट्रिय जगतमा पनि सफलता हासिल गरेको उनले बताए ।

April 4, 2025

साबामा टाइम्सको पहिलो जित

काठमाडौं (हाम्रो खेलकुद)- नेपालको टाइम्स बास्केटबल क्लबले साबा क्लब च्याम्पियनसिपमा पहिलो जित हात पारेको छ। टाइम्सले शुक्रवार माल्दिभ्सको ट्रेक्स बिसीलाई ६७–५९ ले पराजित गर्दै पहिलो जित निकालेको हो। भारतको मद्रासस्थित जवाहरलाल नेहरु इन्डोर स्टेडियममा भएको खेलको पहिलो क्वाटरमा टाइम्स १८ अंकमा रोकियो। ट्रेक्सले २० अंक बनायो। तर दोस्रो क्वाटरमा टाइम्सले उत्कृष्ट प्रदर्शन गर्दै २२–११ को […]

April 4, 2025

मुम्बईविरुद्ध लखनउको बलियो योगफल

एजेन्सी – लखनउ सुपर जायन्ट्सले इण्डियन प्रिमियर लिग (आइपिएल) मा मुम्बई इण्डियन्सविरुद्ध ८ विकेट गुमाएर २ सय ३ रनको बलियो योगफल तयार गरेको छ । अटल बिहारी वाजपेयी एकाना क्रिकेट स्टेडियममा घरेलु टोली लखनउले टस हारेर ब्याटिङको निम्तो पाएको थियो । लखनउका मिचेल मार्श र एडेन मारक्रमले अर्धशतक पूरा गरे । मार्शले ३१ बलमा ९ […]

April 4, 2025

एनएसएलमा चितवनको लगातार दोस्रो जित

काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]

Success

Thank you for your time.