काठमाडौं (हाम्रो खेलकुद) – १३ औं दक्षिण एसियाली खेलकुद प्रतियोगिता (साग) को छैटौं दिन आज शनिबार विभिन्न १६ खेलमा प्रतिस्पर्धा हुँदैछ ।

आइतबार आर्चरी, बास्केटबल (३ वाई ३), बक्सिङ, क्रिकेट, साइक्लिङ, फेन्सिङ, फुटबल, ह्यान्डबल, जुडो, कबड्डी, स्वीमिङ, सुटिङ, स्क्वास, टेनिस, बिच भलिबल, भारोत्तोलन र कुस्तीमा प्रतिस्पर्धा हुनेछ । महिला क्रिकेट, भारोत्तोलन, बिच भलिबल, आर्चरी र ह्यान्डबल पोखरामा हुन्छ । कुस्ती जनकपुरमा हुनेछ ।

पदक तालिकामा सातौ दिनसम्म भारतले ११० स्वर्णसहित अग्रता बनाएको छ । ४३ स्वर्णसहित नेपालले भारतलाई पछ्याईरहेको छ ।

आर्चरी

पोखरामा हुने आर्चरीमा आइतबार मिक्स टिम रिकर्भ कम्पाउन्ड, कम्पाउन्ड मिक्स टिम, रिकर्भ महिला र पुरुष इन्डिभिजुअल, कम्पमाउन्ड महिला र पुरुष एकलमा स्वर्णका लागि खेल हुनेछ ।

बास्केटबल

बास्केटबलमा आइतबार महिला दुई र पुरुषमा तीन खेल हुनेछ । ३ वाई ३ मा विभिन्न स्पर्धामा खेल हुनेछ ।

बक्सिङ

साग अन्तर्गत बक्सिङमा आज महिलातर्फ चार तौल समूहमा स्वर्णका लागि खेल हुनेछ ।

क्रिकेट

त्रिवि क्रिकेट मैदान कीर्तिपुरमा पुरुषतर्फ आज समूह चरणको अन्तिम खेल हुनेछ । जहाँ बंगलादेश र श्रीलंकाबीच खेल हुनेछ।
महिलातर्फ पोखरा क्रिकेट मैदानमा स्वर्णका लागि प्रतिस्पर्धा हुनेछ ।

फेन्सिङ

फेन्सिङतर्फ आइतबार तीन स्पर्धामा प्रतिस्पर्धा हुनेछ । नयाँ बजार कीर्तिपुरमा हुने स्पर्धामा मेन्स इपी टिम, महिला साब्री टिम र महिला फोइल टिम इभेन्टसमा स्वर्णका लागि प्रतिस्पर्धा हुनेछ ।

फुटबल

फुटबलतर्फ आइतबार राउन्ड रोविन लिगको अन्मि खेलमा नेपालले बंगलादेशसँग प्रतिस्पर्धा गर्नेछ ।
खेल त्रिपुरेश्वस्थित दशरथ रंगशालामा साँझ ५ बजे हुनेछ । यो खेलमा जित हात पारे नेपाल समूह विजेता बन्दै फाइनलमा प्रवेश गर्ने । बराबरीको नतिजाले पनि नेपाल फाइनल पुग्नेछ । हारले भने फाइनल पुग्ने सम्भावना झिनो बन्नेछ ।

ह्यान्डबल

ह्याण्डबलमा आइतबार महिला र पुरुष दुवैतर्फ तेस्रो स्थानको लागि खेल हुनेछ ।

जुडो

पदकको अपेक्षा गरिएको जुडोमा आज पुरुषतर्फ ३ र महिलातर्फ ४ तौल समुहमा स्वर्णका लागि प्रतिस्पर्धा हुनेछ । खेलहरु लगनखेलस्थित आर्मीको कभर्डहलमा हुनेछ ।

कबड्डी

हल्चोकस्थित सशस्त्र प्रहरी बलको मुख्यालयमा कबड्डीतर्फ आइतबार लिग चरणका अन्तिम खेल हुनेछ ।

सुटिङ 

सुटिङतर्फ शनिबार दुई स्पर्धामा खेल हुँदैछन् । एयर राइफ मिक्स टिम र एयर पेस्तोल मिक्स टिममा खेल हुनेछ ।

स्क्वास

शुक्रबारदेखि शुरु भएको स्क्वासमा महिला र पुरुष एकलका फाइनलका खेलसातदोबाटोस्थित स्क्वास हलमा हुनेछ ।

स्वीमिङ

पौडीको तेस्रो दिन विभिन्न ४ इभेन्टसमा प्रतिस्पर्धा गर्नेछ । सातदोबाटोस्थित स्विमिङ पुलमा पुरुष र महिला ४०० मिटर फ्रि स्टाइल, महिला र पुरुष २०० मिटर बटरफ्लाइ, महिला र पुरुष ५० मिटर ब्याट स्ट्रोक र महिला र पुरुष ४ गुणा २०० मिटरमा रिलेमा स्वर्णका लासग प्रतिस्पर्धा हुनेछ ।

टेनिस

टेनिसमा आइतबार महिला र पुरुष एकलको सेमिफाइनल खेल हुनेछ । मेन्स र गल्र्स डबल्स तथा मिक्स डबल्समा स्वर्णका लागि प्रतिस्पर्धा हुनेछ ।

बिच भलिबल

फेवाताल किनारमा जारी बिच भलिबलतर्फ आज पनि समूह चरणका विभिन्न खेलहरु हुनेछन् ।

भारोत्तोलन

भारोत्तोलनको अन्तिम दिन आइतबार ५ स्पर्धामा स्वर्णका लागि खेल हुनेछ । पुरुषतर्फ १०२, १०९ र १०९ केजीभन्दा माथि स्वर्णका लागि प्रतिस्पर्धा हुनेछ । महिलामा ८७ र ८७ केजीभन्दा माथि स्वर्णका लागि प्रतिस्पर्धा हुनेछ ।

कुस्ती

जनकपुरमा जारी कुस्तीमा शनिबार महिला र पुरुषका दुई– दुई खेल हुनेछ ।
पुरुषतर्फ २ तथा महिलाको ३ खेल हुनेछ । पुरुषमा ९२ र ९७ केजीको प्रतिस्पर्धा हुनेछ । महिलामा ५९ र ६२ केजीको स्पर्धा हुनेछ ।