काठमाडौं (हाम्रो खेलकुद)- दक्षिण एसियाली खेलकुदअन्तर्गत टेनिसको पुरुष एकलमा नेपालका संरक्षक बज्राचार्य र प्रणव खनाल क्वार्टर फाइनलमा पुगेका छन् । पहिलो चरणको खेलमा संरक्षक बज्राचार्यले श्रीलंकाका विरावर्ना रनपातावेदिगेलाई ६–३ र ६–४ ले हराए । यस्तै प्रणवले बंगलादेशकाफारुक हुसेनलाई ६–० र ६–० ले पराजित गरे ।

महिला सिंगल्सतर्फ नेपालका सलोनी तामाङ र प्रेरणा कोइराला क्वार्टर फाइनलमा पुगे । सलोनीले मरियम हस्माहनिमलाई ६–२ र ६–१ ले हराइन् । प्रेरणाले बंगलादेशकी रिन्भीअख्तर तृप्तीलाई ६–३ र ६–० ले हराइन् । यस्तै बंगलादेशीक सुस्मिता सेनलाई ६–० र ६–० ले हराइन् ।
पुरुष डबल्सतर्फ नेपालका संरक्षक बज्राचार्य र प्रणवखनालको जोडीले बंगलादेशका मोहम्मदआलमगिर हुसेन र मोहम्मदमिलोनको जोडीलाई ६–२ र ६–४ ले हरायो ।

नेपालका प्रदीप खड्का र सन्तोष खत्रीको जोडी श्रीलंकाका एस अतुकोराले र वाई डिसिल्भाको जोडीसँग ६–२ र ६–३ ले पराजित भए ।
महिला डबल्सतर्फ नेपालका अभिलासा विष्ट र इरा मेहेमिसा रावतको जोडीले बंगलादेशका इशिता अफ्रोस र जरिन सुल्ताना जोलीको जोडीलाई ६–१ र ६–३ ले हरायो ।

मिक्स डबल्समा नेपालका इरा मेहेमिसा रावत र सन्तोष खत्रीको जोडीक्वार्टर फाइनलमा पुग्यो । सावत र खत्रीको जोडीले माल्दिभ्सका रिफ्गायुसुफ नजिव र नाजिफ हुसेनको जोडीलाई ६–० र ६–१ ले हराउँदै क्वार्टर फाइनलमा पुग्यो ।