काठमाडौं (हाम्रो खेलकुद)– नेपालले करातेमा अर्को स्वर्ण पदक जितेको छ । नेपाली पुरुष काता टोलीले १३ औं दक्षिण एसियाली खेलकुद (साग) को कराते अन्तर्गत टिम कातामा स्वर्ण पदक जितेको हो । सातदोबाटोस्थित कराते हालमा एकल कातामा स्वर्ण जितिसकेका मण्डेकाजी श्रेष्ठसहित प्रविण मानन्धर र महसुस तामाङको टोली स्कोर गर्दै पहिलो स्थान प्राप्त गरेको हो । नेपालको यो छैटौं स्वर्ण पदक हो ।

नेपालले फाइनलमा श्रीलंकालाई पराजित गरेको हो । नेपाली टोलीले फाइनलमा २५.५४ अंक प्राप्त गर्यो। यस्तै श्रीलंकाले २५.२८ अंकले पराजित गर्यो। त्यसअघि बंगलादेशलाई हराउँदै नेपाल अन्तिम दुईमा पुगेको हो । नेपाली टोलीले २५.१४ स्कोर गर्दा बंगलादेशले २४.८८ स्कोर गरेको थियो । श्रीलंकाले पाकिस्तानलाई हराउँदै अन्तिम दुईमा पुगेको थियो ।

काठमाडौंमा जारी करातेमा नेपालले २ स्वर्ण र एक कास्य पदक जितिसकेको छ यसअघि जितिसकेको छ । त्यस्तै तेक्वान्दोमा १ स्वर्ण र १ रजत पदक जितेको छ । करातेमा मण्डेकाजी श्रेष्ठ र महिला टिम काताले स्वर्ण जितेका हुन् । त्यस्तै चन्चला दनुवारले रजत पदक जितेकी हुन् ।

तेक्वान्दो पुम्सेमा कमलबहादुर श्रेष्ठ र सिना मादेन लिम्बुले स्वर्ण पदक जितेककी हुन् । त्यस्तै १९ देखि २४ वर्ष उमेर समूहमा कृष्णबहादुर तामाङले रजत पदक जितेका छन् । पोखरामा सोनी गुरुङले ट्रायथोलनमा स्वर्ण पदक जितिकी छिन् ।