काठमाडौं (हाम्रो खेलकुद) – प्रथम प्रकाश दाहाल स्मृति प्रगतिशील युवा नेपाल कप राष्ट्रिय भलिबल प्रतियोगितामा ढोरपाटन स्पोर्टस् क्लबले  विजयी शुरुवात गरेको छ । दोस्रो खेलमा आर्मी र एपीएफ खेल्दै गर्दा वर्षा भएपछि थप खेल हुन सकेन ।

नयाँ बसपार्कस्थित ढोरपाटन क्लबको कोर्टमा मंगलबार सुरु भएको प्रतियोगिताको समूह ‘ए’ को खेलमा ढोरपाटनले जावलाखेल भलिबल प्रशिक्षण केन्द्रलाई ३–१ को सेटमा पराजित गर्दै विजयी शुरुवात गरेको हो । यही समूहको दुई विभागीय टोली नेपाल एपीएफ क्लब र त्रिभुवन आर्मी क्लबबीचको उद्घाटन खेल भने वर्षाले प्रभावित बनेपछि स्थगित भएको छ । प्रतिस्पर्धात्मक पहिलो सेटमा आर्मीले २७–२५ को जित निकालेको थियो । त्यसपछि वर्षाले खेल अगाडि बढ्न सकेन । आर्मी र एपीएफबीचको खेल बुधबार शुरु देखि नै हुने आयोजकले जनाएको छ ।

यसअघि प्रतियोगिताको पुर्व प्रधानमन्त्री तथा नेपाल कम्युनिस्ट पार्टी (नेकपा) का अध्यक्ष पुष्प कमल दाहाल ‘प्रचन्ड’ ले गरेका थिए ।
तथा नेको छ । प्रगतिशील युवा नेपाल को आयोजनामा जारी प्रतियोगितामा ८ टोलीको सहभागिता रहेको छ । समूह ‘ए’ मा एपीएफ र आर्मीसँगै ढोरपाटन स्पोट्र्स ट्रेनिङ सेन्टर र जावलाखेल भलिबल ट्रेनिङ सेन्टर छन् । समूह ‘बी’ मा आयोजक प्रगतिशील युवा क्लबसँगै नेपाल पुलिस क्लब, गल्कोट युवा क्लब र गण्डकी प्रदेश छन् । दुवै समूहका शीर्ष २ टोली अन्तिम चारमा प्रवेश गर्नेछन् ।

प्रतियोगिताको विजेताले ५ लाख रुपैयाँ हात पार्नेछ । दोस्रो हुनेले ३ लाख, तेस्रोले १ लाख तथा चौथो हुनेले ५० हजार रुपैयाँ हात पार्नेछन् । प्रतियोगिताको सर्वोत्कृष्ट खेलाडीले एक थान मोटरसाइकल हात पार्नेछन् । विधागततर्फ उत्कृष्ट स्पाइकर, ब्लकर, डिफेन्डर, सर्भर र प्रशिक्षकले जनही १०–१० हजार रुपैयाँ प्राप्त गर्नेछन् ।