एजेन्सी – युवा सनसनी केलियन एमबाप्पेलाई टोलीबाट बाहिर राख्दै फ्रान्स फुटबल फेडेरेसन (एफएफएफ) ले २०२० मा आयोजना हुने युरोकप छनोटको दुई खेलका लागि २३ सदस्यीय राष्ट्रिय टोलीको घोषणा गरेको छ ।

एफएफएफले अल्वानिया र एण्डोराविरुद्धको खेलको लागि युवा स्टार एमबाप्पे र एङ्गोलो कान्टेलाई चोटका कारण टोलीमा समेटेको छैन । एमबाप्पेले टोलुसविरुद्ध ४–० को जित निकालेको खेलमा चोट बोकेका थिए । कान्टेले युरोपा लिगमा आर्सनलविरुद्धको फाइनलमा चोट बोकेका थिए ।

कान्टे प्रिमियर लिगको नयाँ सिजनको पहिलो खेलबाट टोलीमा पुनरागमन गरेपनि उनी पुर्ण रुपमा फिट छैनन् । यस्तै स्पेनिस क्लब बार्सिलोनाका औसमाने डेम्वेले पनि चोटकै कारण टोली बाहिर छन् ।

एलेक्सजेन्डर लाकाजेट र एन्थोनी मार्सियल पनि टिममा छैनन् । म्यानचेस्टर सिटीका डिफेन्डर एम्रिक लापोर्टेले दुई वर्षपछि टिममा स्थान बनाउन सफल भएका छन् । फ्रान्सले छनोट अन्तर्गत सेप्टेम्बर ७ मा अल्वानिया र १० मा एण्डोरासँग खेल्नेछ ।

फ्रान्स टिम:
गोलरक्षकः अल्फान्सो आरेओला, ह्युगो लोरिस, माईक मैग्नन
डिफेन्डरः लुकास डिग्ने, एम्रिक लापोर्टे, राफायल भराने, लियो डुबोइस, क्लेमेन्ट लिङ्लेट, कुर्ट जौमा, लुकास हर्नान्डेज, बेन्जामिन पाभार्ड
मिडफिल्डरः ब्लेईस माटुईडी, स्टेभेन एनुजोनजी, मौसा सिसोको, कोर्टिन टोलिस्सो, पाउल पोग्बा
फरवार्डः विसम विन एडर, किङ्सले कोम्यान, नविल फेकिर, ओलिभर जिरुउड, एन्टोनियो ग्रिजम्यान, जोनाथन इकोने र थोमस लेमार