काठमाडौं (हाम्रो खेलकुद)– एभिसी सेन्ट्रल जोन भलिबल च्याम्पियनयिसपमा भाग लिने अफगानिस्तानको भलिबल टोली मंगलबार नेपाल आइपुग्ने भएको छ । नेपाली भलिबल टोलीसँग दुई मैत्रीपूर्ण खेल खेल्नका लागि अफगानी टोली एक साता अघि नै नेपाल आइपुग्न लागेको हो । नेपाल र अफगानिस्तानबीच बुधबार र बिहीबार दुईवटा अभ्यास खेल हुनेछ ।

अहिले भारतमा रहेको अफगानिस्तनको टोली मंगलबार बिहान ९ बजे त्रिभुवन विमानस्थल आइपुग्ने नेपाल भलिबल संघका महासचिव जितेन्द्रबहादुर चन्दले जानकारी दिएका छन् । इम रानाको कप्तानीमा नेपालले सोमबार मात्र १४ सदस्यीय भलिबल टोलीको घोषणा गरेको थियो । जसमा पहिलो पटक तीन खेलाडी सेमेटिएका छन् ।

भदौ २ गते देखि लगनखेलस्थित आर्मीको कभर्ड हलमा हुने च्याम्पियनसिपमा नेपालसँगै साविक विजेता तुर्कमेनिस्तान, उज्बेकिस्तान, अफगानिस्तान, माल्दिभ्स, किर्गिस्तान र बंगलादेशले प्रतिस्पर्धा गर्नेछन् । यहि च्याम्पियनसिपमा नेपालले तीन वर्षअघि कास्य पदक जितेको थियो । नेपालले हालसम्म अन्तर्राष्ट्रिय भलिबल प्राप्त गरेको एकमात्र पदक यसै प्रतियोगितामा हो ।

यसपटक नेपाली टोली उक्त सफलतालाई सुधार गर्नेलक्ष्यसहित प्रशिक्षणमा छ । टोलीको प्रशिक्षण डच प्रशिक्षक हान एबिङले सम्हालेका छन् । नेपाली टोलीले असार पहिलोसाताबाट नियमत प्रशिक्षण गरिरहेको छ । च्याम्पियनसिपको च्याम्पियनसिपको प्रत्यक्ष प्रसारण हाम्रो खेलकुद डट कमले गर्नेछ ।