काठमाडौं (हाम्रो खेलकुद) – नेपाल ललितकला प्रज्ञा प्रतिष्ठानका गोप चित्रकारले गोकर्ण फरेस्ट रिसोर्टमा सम्पन्न ‘वी आर अल एबल’ च्यारिटी गल्फ प्रतियोगिताको उपाधि जितेका छन् ।

गोपालले ४२ अंक जोड्दै ४१ अंक जोडेका दिपक कार्कीलाई पछाडि पारे । उनले काठमाडौंबाट सिंगापुरको दुईतर्फी हवाई टिकट प्राप्त गरे । उनले उक्त टिकट च्यारिटीलाई हस्तान्तरण गर्ने गरी बोलकबोलमा राखे । मेजर निश्चय जंग रायमाझीले ३८ ग्रास अंक जोड्दै बेस्ट गरस हात पारे । उनले ५ बर्डीसहित सर्वाधिक बर्डीको उपाधि पनि जिते ।

६० वर्षभन्दा माथिको उपाधि ब्रिगेडीयार जेनेरल दिलिप रायमाझीले हात पार्दा काउन्ट ब्याकमा मेजर जेनेरल महेश विक्रम कार्की र प्रभाकर अधिकारी उपविजेता बने । जुनियरतर्फ श्रियोग बस्नेत प्रथम र सद्भाव आचार्य दोस्रो भए । विजय श्रेष्ठ इन्ह्सले लंगेस्ट ड्राइभ र गोपाल चित्रकारले क्लोजेस्ट टु द पिनको अवार्ड जिते ।

प्रतियोगिताको आयोजना अबिलिटि डेभलपमेन्ट सोसाइटी अफ नेपाल (एड्सन) को सहयोगार्थ गरिएको थियो । विजेता खेलाडीलाई एड्सनका अध्यक्ष रविन्द्र राज पाण्डे, निर्देशक निर्मला ज्ञवाली, कोषाध्यक्ष उपेन्द्र पौडेल र गोकर्ण गल्फ क्लबका कप्तान जोसेफ नाथनले पुरस्कार वितरण गरे । प्रतियोगितालाई गोकर्ण गल्फ क्लब, लक्ष्मी बैंक, गोर्खा ब्रुअरी, एभरेस्ट इन्टरनेशनल टुर्स एण्ड ट्राभल्स, नबिल बैंक, एनआईसी एसिया बैंक, काठमाडौं मेडिकल कलेज, श्री इन्भेस्टमेन्ट एण्ड फाइनान्स कम्पनि र जनता बैंकले सहयोग गरेका थिए ।