9 years ago
May 24, 2016
भेनस कप राष्ट्रिय खुला टेबलटेनिस प्रतियोगितामा सशस्त्र प्रहरी बलको एपीएफ क्लबका शिवसुन्दर गोथे र नेपाल प्रहरी क्लबकी नविता श्रेष्ठ मंगलबार च्याम्पियन बनेका छन् । शिव पुरुष र नविता महिला सिंगल्समा विजेता बने ।
लैनचौरस्थित राष्ट्रिय टेबलटेनिस प्रशिक्षण केन्द्रमा भएको पुरुष सिंगल्स फाइनलमा शिवले प्रहरीका दीप साउनलाई १४–१२, ७–११, ११–९, १२–१० र ११–७ को सेटमा पराजित गरे । त्यसअघि मंगलबारै भएको सेमिफाइनलमा शिवले एपीएफका पुरुषोत्तम वज्राचार्यलाई ४–० तथा दीपले एपीएफकै चन्दन शाहीलाई ४–१ ले हराएका थिए । सेमिफाइनलमा पराजितद्वय पुरुषोत्तम र चन्दनले तेश्रो स्थानमा चित्त बुझाए ।
अखिल नेपाल टेबलटेनिस संघको तत्वावधानमा काठमाडौं जिल्ला टेबलटेनिस संघ र रोटरी क्लब अफ नार्गाजुनद्वारा संयुक्त आयोजित प्रतियोगिताको महिला सिंगल्स उपाधि भिडन्तमा नविताले प्रहरीकै आफ्नै नन्द एलिना महर्जनलाई १२–१०, ११–८, ११–७ र ११–८ को सोझो सेटमा हराइन् । सेमिफाइनलमा नविताले अर्की आफ्नै नन्द एरिकालाई तथा एलिनाले नेपाल आर्मी क्लबकी रविना महर्जनलाई समान ४–० को नतिजामा पाखा लगाउदै फाइनल यात्रा तय गरेका थिए । हारसंगै एरिका र रविना तेश्रोमा सीमित भए ।
पुरुष/महिला सिंगल्समा पहिलो हुने २५ हजार, दोश्रोले १५ हजार तथा तेश्रो हुनेद्वयले समान ५–५ हजारका दरले नगद पुरस्कारसहित ट्रफी, पदक र प्रमाण पत्र पाए ।
जुनियर ब्वाइज सिंगल्सको उपाधि प्राइमका श्यान्टु श्रेष्ठले जिते । फाइनलमा उनले आर्मीका नारायण घिमिरेको चुनौती ११–४, ११–५ र ११–६ को सीधा सेटमा समाप्त पारे । सुनसरीका सुबोध लिम्बू र प्राइमका विपिन महर्जन तेश्रो बने । उक्त स्पर्धाको गल्र्समा एभीएम क्लबकी लस्ता महर्जन पहिलो भएकी थिइन् । क्याडेट ब्वाइज सिंगल्समा एभीएमका रितिज जोशीले स्वर्ण चुमे । रितिजले फाइनलमा एभीएमकै सन्योग कपालीलाई ९–११, ११–८, १२–१०, ६–११ र ११–५ ले निराश पारे । स्वर्णिमका नाम्गेल लामा र एभीएमका डिकेन महर्जन तेश्रो भए । यो स्पर्धाको गल्र्समा सुनसरीकी दीक्षा दाहालले स्वर्ण जितिन् ।
विजेतालाई नेपालका लागि दक्षिण कोरियाका राजदूत चोइ यङ जिन, राष्ट्रिय खेलकुद परिषद्का उपाध्यक्ष एवं नेपाल ओलम्पिक कमिटीका महासचिव लामा टेन्डी शेर्पा, अखिल नेपाल टेबलटेनिस संघका अध्यक्ष चतुरानन्दराज वैद्य र महासचिव कुवेर सिंह, आयोजक संघका अध्यक्ष धर्ममान वज्राचार्य, आयोजक रोटरी क्लबका अध्यक्ष शम्भु आम्गाईं, आरआई डिस्ट्रिक्ट ३२९२ नेपाल–भुटानका डिस्ट्रिक्ट गभर्नर केशव कुावरलगायतले पुरस्कार वितरण गरे । तीनदिने प्रतियोगितामा विभिन्न ८ जिल्ला र तीन विभागीय टोलीका २ सय ५० खेलाडीले ६ सिंगल्स स्पर्धामा प्रतिस्पर्धा गरेका थिए ।
April 4, 2025
काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]
April 4, 2025
एजेन्सी – इण्डियन प्रिमियर लिग (आइपिएल) मा लखनउ सुपर जायन्ट्सकाविरुद्ध मुम्बई इण्डियन्सले टस जितेको छ । अटल बिहारी वाजपेयी ऐकना क्रिकेट स्टेडियममा पाहुना टोली मुम्बईका कप्तान हार्दिक पाण्ड्याले टस जितेर बलिङ रोजेका हुन् । मुम्बई पछिल्लो खेलमा कोलकाता नाइट राइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । […]
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]