काठमाडाैं (हाम्राे खेलकुद) – एनएसजेफ पल्सर स्पाेर्टस अवार्डले सह- प्रायाेजनकाे रुपमा सगरमाथा सिमेन्ट र टर्किस एयरलाइन्सकाे साथ पाएकाे छ । अवार्ड असार १७ गते प्रज्ञा भवन कमलादीमा हुँदैछ ।

मञ्चले बिहीबार घाेराही इन्डस्ट्री प्रालिकाे उत्पादन सगरमाथा सिमेन्ट र टर्किस एयरलाइन्ससँग सह-प्रायाेजन सम्झाैता गरेकाे हाे । मञ्चका अध्यक्ष देवेन्द्र सुवेदी र घाेराही सिमेन्टकाे निर्देशक आदित्य सांघाईले हस्ताक्षर गरे । सम्झाैता अनुसार सगरमाथा सिमेन्टले अवार्डका लागि ५ लाख रुपैयाँ उपलब्ध गराउने छ ।

यस्तै अर्काे सम्झाैतामा मञ्चका अध्यक्ष देवेन्द्र सुवेदी र टर्किस एयर लाइन्सका कन्ट्री डाइरेक्टर अब्दुल्लाहले हस्ताक्षरर गर्दै आदान प्रदान गरे । सम्झाैता अनुसार टर्किसले मञ्चका सदस्यलाई १० प्रतिशत, वर्ष पुरुष र महिला विजेतालाई ५ लाख बराबरकाे दुई थान टिकट उपलब्ध गराउने छ । यस्तै मञ्चले सिफारिस गरेकाे राष्ट्रिय खेलाडीलाई समेत हवाई टिकटमा १० प्रतिशत छुट दिनेछ । सम्झाैता १ वर्षकाे रहेकाे छ ।

मञ्चले यसअघि नै खेलकुद ब्रान्ड केल्मी, रुस्लान, एभीन्युज टिभी, गोल्डस्टार, होटल रोयल सिंगी, डिस होम लगायतसँग प्रायोजन सम्झौता गरिसकेको छ ।  १० विधामा खेलाडी, प्रशिक्षक, खेलकर्मी र पत्रकारलाई सम्मान गर्ने अवार्डका लागि पिपुल्स च्वाइस विधाको मनोनयन सार्वजनिक भइसकेको छ । वर्षको उत्कृष्ट पुरुष, महिला, युवा खेलाडी र प्रशिक्षकको मनोनय छिट्टै सार्वजनिक गरिनेछ । स्पेसल अवार्ड, लाइफ टाइम अचिभमेन्ट अवार्ड, टिम अफ द इयर र पारा एथ्लिट अवार्डको घोषणा अवार्ड समारोहकै दिन हुनेछ ।