6 years ago
May 28, 2019
सुबास हुमागाईं, काठमाडौं
राष्ट्रिय टोलीका स्टार स्पाइकर मानबहादुर श्रेष्ठलाई बाहिर राख्दै १३ औं दक्षिण एसियाली सागका लागि पुरुष राष्ट्रिय भलिबल टोलीको प्रारम्भिक छनोट घोषणा गरिएको छ ।
नेपाल भलिबल संघले दिएको २५ सदस्यीय प्रारम्भिक छनोटमा त्रिभुवन आर्मी क्लबका कप्तान समेत रहेका मानबहादुर अटाएका छैनन् । विभागीय कारवाहीका कारण आठौं राष्ट्रिय खेलकुदमा सहभागी नभएका मानबहादुरलाई राष्ट्रिय टोलीको छनोटमा पनि समावेश गरिएको छैन । संघका महासचिव जितेन्द्रबहादुर चन्दका अनुसार छनोट समितिले आठौं राष्ट्रिय खेलकुदको प्रदर्शनका आधारमा खेलाडी छनोट गरेको हो ।
खेलाडी छनोटका लागि गठन गरिएको ५ सदस्यीय समितिले संघलाई नामावली बुझाएको थियो । खेलाडी छनोट समितिमा भलिबलकी प्रमुख प्रशिक्षक सलिना श्रेष्ठ, संघका उपाध्यक्ष यामबहादुर गुरुङ, जगदीशप्रसाद भट्ट, सुदेशकुमार रिमाल र मनवीर छन्त्याल रहेका छन् । प्रमुख प्रशिक्षक श्रेष्ठले प्रशिक्षण सुरु हुनुअघि अन्य कुनै राष्ट्रिय प्रतियोगिता भएको खण्डमा संघसँग समन्वय गरेर उक्त प्रतियोगिताको प्रदर्शन हेरेर खेलाडी थपिन सक्ने सम्भावना भने रहेको बताइन ।
प्रारम्भिक टोली :
धनबहादुर भट्ट
विशाल विक
कुलबहादुर थापा
राजेन्द्र विष्ट
योग्नेद्र गुरुङ
टेकराज अवस्थी
दुर्गाबहादुर सुनार
सारान समरी
हरिबहादुर अधिकारी
दुर्गा खड्का
द्वारिका थापा
दिपक राज जोशी
भैरव बम
सुरेन्द्र बम
नरेन्द्र गिरि
राजु शेरचन
राजकुमार निरौला
रविन चन्द
ईमबहादुर मगर (कप्तान)
हरिहजुर थापा
दुर्गा महतो
सुजन चोखाल
विनोद बहादुर चन्द
भिम गाहा मगर
इश्वर थापा मगर
महिला टोलीमा : कप्तान विनिता र उपकप्तान मन्जु प्रारम्भिक छनोटबाटै बाहिरिए
March 17, 2025
काठमाडौं(हाम्रो खेलकुद) – ललितनारायण राजवंशीको ५ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
