6 years ago
May 28, 2019
सुबास हुमागाईं, काठमाडौं
नियमित कप्तान विनिता बुढाथोकी र उपकप्तान मन्जु गुरुङलाई बाहिर राख्दै दक्षिण एसियाली खेलकुद (साग) को १३ औं संस्करणका लागि नेपाली महिला राष्ट्रिय भलिबल टोलीको २५ सदस्यीय प्रारम्भिक टोली सार्वजनिक भएको छ ।
नेपाल भलिबल संघले टोलीमा अनुभवी खेलाडी नेविका चौधरी र कोपिला उप्रेतीलाई पनि बाहिर राखेको छ । त्यसैगरी विभागीय टोली पुलिसकी मनिषा चौधरी र आर्मीकी कृपा अधिकारी पनि छनोटमा पर्न सकेनन् । विभागीय टोलीबाट १५ र प्रदेशका टोलीबाट १० खेलाडीसहित कुल २५ खेलाडी प्रारम्भिक छनोटमा अटाएका छन् । खेलाडी छनोटका लागि गठन गरिएको ५ सदस्यीय समितिले संघलाई नामावली बुझाएको थियो । खेलाडी छनोट समितिमा भलिबलकी प्रमुख प्रशिक्षक सलिना श्रेष्ठ, संघका उपाध्यक्ष यामबहादुर गुरुङ, जगदीशप्रसाद भट्ट, सुदेशकुमार रिमाल र मनवीर छन्त्याल रहेका छन् ।
नेपालगंजमा गत महिना सम्पन्न आठौँ राष्ट्रिय खेलकुदको प्रदर्शनलाई आधार मानेर खेलाडी छनोट गरिएको संघका महासचिव जितेन्द्रबहादुर चन्दले जानकारी दिए । ‘ हामीले समितिलाई आठौं राष्ट्रिय खेलकुदको प्रदर्शनलाई आधार मानेर छनोट गर्न भनेका थियौं । टोलीमा १० खेलाडी प्रदेशको टोलीबाट आउनु भनेको भलिबलको लागि सुखद खबर हो । यसले भलिबल अब विभागमा मात्र सिमित नभएर देशभर नै पुगेको पुष्टि हुन्छ,’ उनले भने । चन्दले राखेपसंग समन्वय गरेर छिट्टै प्रशिक्षण सुरु गरिने पनि जानकारी दिए ।
प्रारम्भिक टोली :
प्रतिभा माली – प्रदेश ३
सरस्वति चौधरी – एपीएफ
निरुता ठगुन्ना – आर्मी
शान्ति थारु – आर्मी
उषा भण्डारी – पुलिस
लक्ष्मी कुमाल – गण्डकी प्रदेश
पुष्पा शाही – कर्णाली प्रदेश
आरती सुवेदी – प्रदेश ३
सुनिता खड्का – आर्मी
पुनम चन्द – गण्डकी प्रदेश
सोफुया पुन – आर्मी
कविता भट्ट – एपीएफ
हिरा केसी – एपीएफ
उषा विष्ट – एपीएफ
रेश्मा भण्डारी – एपीएफ
चन्द्रकला खरेल – पुलिस
संगम महतो – आर्मी
ममता डगौरा – गण्डकी प्रदेश
जानकी भण्डारी – आर्मी
अरुणा शाही – गण्डकी प्रदेश
सरस्वति कट्टेल – प्रदेश ५
कमला पुन – पुलिस
सलिना श्रेष्ठ – प्रदेश ३
शान्ति तामाङ – पुलिस
यामकली कुँवर – गण्डकी प्रदेश
पुरुष टोलीमा : मानबहादुर राष्ट्रिय टोलीको प्रारम्भिक छनोटमै परेनन्
March 17, 2025
काठमाडौं(हाम्रो खेलकुद) – ललितनारायण राजवंशीको ६ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]
March 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]
