काठमाडौं (हाम्रो खेलकुद) – दोस्रो चन्द्रागिरी उपमेयर कप खुल्ला छात्रा भलिबल प्रतियोगिताको उपाधि घरेलु टोली होङ्ग्वान्जी न्यु डायमन्डले जितेको छ ।

न्यु डायमन्ड एकेडेमीले पारामाउन्ट स्कुलाई ३-० काे साेझाे सेटमा पराजित गर्दै च्याम्पयन बनेकाे हो  । डायमन्डले ३५-११, २५-२०,२५-२१ ले आफ्नो पक्षमा बनायाे । उपाधिसँगै न्यू डायमन्डले ६० हजार नगदसहित शिल्ड, मेडल र प्रमाणपत्र प्राप्त गर्यो । थ्री स्टार एकेडेमीले विजेश्वरी ज्ञान मन्दिरलाई २५-१९, २५-१९ र २५-११ ले पराजित गर्दै तेस्राे स्थान हात पार्याे ।

मदन भण्डारी स्पोर्टस् एकेडेमी चन्द्रागिरी नगर कमिटिले भलिबल नेपालको राष्ट्रिय खेल भएको दिनलाई विशेष बनाउने उद्देश्यले गत वर्षदेखि खुल्ला छात्रा भलिबल प्रतियोगिता आयोजना गरेको हो । १० टोलीको सहभागिता रहेको प्रतियोगिताको विजेताले ६० तथा दोस्रो र तेस्रो हुनेले क्रमश ३० हजार, १५ हजारनगदसहित शिल्ड, मेडल र प्रमाणपत्र प्राप्त गर्नेछन् । चौथो हुनेले १० हजार रुपैया प्राप्त गर्नेछन् ।

सर्वाेत्कृष्ट खेलाडी १ हजार ५ सय र व्यक्तिगत विधातर्फ (स्पाइकर, ब्लकर, सर्भर, डिफेन्डर, सेटर) लाई १ हजार रुपैया पाउनेछ । पहिलो संस्करणमा न्यु डायमन्ड एकेडेमी च्याम्पियन बनेको थियो ।