6 years ago
April 25, 2019
काठमाडौं (हाम्रो खेलकुद) – एमेच्योर खेलाडीहरुले व्यावसायिक प्रतियोगिता जित्ने सिलसिलालाई निरन्तरता दिँदै टंकबहादुर कार्कीले सूर्य नेपाल एनपीजीए टुर च्याम्पियनसिपको उपाधि जितेका छन् ।
बिहीबार गोकर्ण गल्फ कोर्षमा १ अन्डर ७१ सहित समग्रमा ४ अन्डर २ सय ८४ स्कोरसहित टंकले च्याम्पियनसिप उपाधि जितेका हुन् । उनले दोस्रो स्थानमा रहेका व्यावसायिक गल्फर संजय लामालाई ३ स्ट्रोकले पछाडी पार्दै उपाधि हात पारे । संजयले बिहीबार ४ अन्डर ६८ सहित कुल १ अन्डर २ सय ८१ स्कोर जोड्दै १ लाख २० हजार रुपैयाँ हात पारे । टंक भने एमेच्योर भएका कारण ट्रफीमा सिमित रहे । यसअघि एमेच्योरद्वय सुवास तामाङ र शुक्रबहादुर राईले पनि सूर्य नेपाल गल्फ टुर २०१८/१९ अन्तर्गतको च्याम्पियनसिप उपाधि हात पारेका थिए ।
व्यवसायिकतर्फ दोस्रो स्थानमा दिनेश प्रजापति (२ ओभर ७४) र भुवन नगरकोटी (३ ओभर ७५) ले समान ३ ओभर २ सय ९१ स्कोर जोड्दै जनही ६६ हजार रुपैयाँ प्राप्त गरे । एमेच्योरतर्फ ४ ओभर २ सय ९२ स्कोर जोडेका सुवास तामाङ दोस्रो तथा समान स्कोर भएपछि काउन्ट ब्याकका आधारमा विपिन तामाङ तेस्रो भए । सुवासले अन्तिम दिन ३ अन्डर ६९ र विपिनले १ ओभर ७३ स्कोर जोडे ।
व्यावसायिकतर्फ शीर्ष २१ खेलाडीले नगद पुरस्कार प्राप्त गरेका थिए । प्रतियोगितामा ३४ व्यावसायिक र ८ एमेच्योर गल्फरको सहभागिता रहेको थियो ।
November 18, 2024
काठमाडौं (हाम्रो खेलकुद) – काठमाडौं गुर्खाजले सिद्धार्थ बैंक नेपाल प्रिमियर लिग (एनपिएल) का लागि आइतवार आफ्नो जर्सी सार्वजनिक गरेको छ । काठमाडौं स्पोर्ट्स डेभलपमेन्ट भेन्चरको स्वामित्वमा रहेको काठमाडौं गुर्खाजको ‘मार्की’ खेलाडी करण केसी, टोली प्रवर्द्धक एवं पूर्वमिस नेपाल शृंखला खतिवडा र गुर्खाजका क्रिकेट एम्बासडर एवं नेपाली राष्ट्रिय महिला टोलीकी कप्तान इन्दु बर्माले जर्सी सार्वजनिक गरेका […]
November 17, 2024
धनगढी (हाम्रो खेलकुद)- सिद्धार्थ बैंक नेपाल प्रिमियर लिग (एनपिएल) फ्रेन्चाइज टोली सुदूरपश्चिम रोयल्सले आइतवार ट्यालेन्ट हन्ट सम्पन्न गरेको छ । धनगढी क्रिकेट एकेडेमीको मैदानमा ट्यालेन्ट हन्ट संचालन भएको थियो । एनपिएल खेल्ने आशाका साथ आफूमा रहेको क्षमता प्रस्फुटन गर्न प्रदेश भरका युवाहरुको ट्यालेन्ट हन्टमा उत्साहजनक सहभागिता रहेको थियो । नेपाल क्रिकेट संघ क्यान (क्यान) ले […]
November 17, 2024
एजेन्सी – अस्ट्रेलियासँगको पर्थमा हुने बोर्डर गावस्कर ट्रफीको पहिलो खेलमा भारतीय टोलीको कप्तानी तीव्र गतिका बलर जसप्रित बुमराहले गर्ने भएका छन् । पर्थको ओप्टस स्टेडियममा नोभेम्बर २२ देखि सुरु हुने बोर्डर–गावस्कर ट्रफीको पहिलो टेस्टमा नियमित कप्तान रोहित शर्मा नहुने भएपछि उपकप्तान बुमराहले टोलीको कप्तानी गर्ने भएका छन् दोस्रो सन्तानको जन्मका लागि स्वदेशमै रहेका रोहित एडिलेडमा […]
