नेपालगन्ज (हाम्रो खेलकुद)– उपाधिको दावेदार दुई विभागीय टोली त्रिभुवन आर्मी क्लब र नेपाल पुलिस क्लब प्रदेश ५ मा जारी आठौं अन्तर्गतको पुरुष भलिबलको फाइनलमा प्रवेश गरेका छन् ।

बाँकेको खजुरास्थित नवनिर्मित भलिबल कोर्टमा आर्मीले अर्काे विभागीय टोली नेपाल एपीएफ क्लबमाथि ३–२ को संघर्षपुर्ण जित निकाल्दै उपाधिनजिक पुगेको हो ।

पुलिसले गण्डकीको चुनौती ३–१ ले पन्छाएर आर्मीसँगको भेट पक्का ग¥यो । अघिल्लो वर्ष तीन फाइनलमा पुलिसले आर्मीलाई पराजित गरेको छ ।

आर्मीले पहिलो सेट १८–२५ ले गुमाएको थियो । दोस्रो सेट आर्मीले २५–२२ ले जितेपछि खेल १–१ सेटको बराबरीमा पुग्यो ।

निकै नै रोमाञ्चक र प्रतिस्पर्धात्मक बनेको तेस्रो सेट आर्मीले ३१–३३ ले गुमाउदा एपीएफले २–१ को सेटको अग्रता बनायो । तर, त्यसपछिको दुवै सेट आर्मीले २५–२१ र १५–११ ले आफ्नो पक्षमा पार्दै फाइनलमा पुग्न सफल भयो ।

अर्काे सेमिफाइनलमा पुलिसले गण्डकी प्रदेशमासथि ३–१ को जित निकाल्दै फाइनलमा आर्मीसँगको भेट पक्का ग¥यो ।

पुलिसले पहिलो र दोस्रो सेट क्रमशः २५–१५ र २५–१५ ले जित्दै खेललाई आफ्नो नियन्त्रणमा लिइसकेको थियो । तेस्रो सेट गण्डकीले २५–२० ले जित्दै खेलमा फर्कने संकेत दिएपनि चौथो सेट पुलिसले २५–२० ले जित्दै फाइनलमा पुग्न सफल भयो ।

महिलातर्फ आजै सेमिफाइनलका खेल हुदैछ । सेमिफाइनलमा प्रदेश ३ र पुलिस तथा एपीएफ र गण्डकीबीच प्रतिस्पर्धा हुनेछ । पुरुष र महिला दुवैको फाइनल बुधबार बिहान हुनेछ ।