दाङ (हाम्रो खेलकुद) – आठौं अन्तर्गत ४०० मिटर दौडमा त्रिभुवन आर्मी क्लबकी तुलसा खत्री महिलातर्फ र नेपाल एपीएफ क्लबका शिवराज पार्कीले पुरुषतर्फ स्वर्ण जितेका छन् ।

दाङ बेलझुन्डीस्थित नवनिर्मित ट्याक एन्ड फिल्डमा आइतबार भएको ४०० मिटर दौडमा आर्मीकी तुलासाले निर्धारित ४०० मिटर दुरी ५९ दशमलव ९१ सेकेन्डमा पार गर्दै स्वर्ण हात पारिन् । आर्मीकै संगीता मेचेले १ मिनेट शुन्य दशमलव २९ सेकेन्डमा दुरी पार गर्दै रजत हात पारिन् । १ मिनेट १ दशमलव ५४ सेकेन्डमा दुरी पार गर्दै प्रदेश ५ की अरुषा रिजाल कास्य जितिन् ।

पुरुषतर्फ एपीएफका निरप्रताप महतोले ४९ दशमलव ३५ सेकेन्डमा दुरी पार गर्दै स्वर्ण जितिन् । एपीएफकै शिवराज पार्कीले ५० दशमलव ४५ सेकेन्डको समय निकाल्दै रजत जितिन् । प्रदेश १ का प्रकाश दनुवारले ५० दशमलव ६३ सेकेन्डको समय निकाल्दै कास्य जितिन् ।

महिला ४ गुणा ४०० मिटर रिलेमा आर्मीले स्वर्ण जित्न सफल भयो । कृष्णा चौधरी, तुलसा खत्री, संगीता मेचे र सरस्वती भट्टराईले ४ मिनेट २ दशमलव ४८ सेकेन्डको समयका साथ स्वर्ण जिते । एपीएफले ४ मिनेट १३ दशमलव १४ सेकेन्डका साथ रजत तथा प्रदेश ५ ले ४ मिनेट २२ दशमलव ५९ सेकेन्डको समयसहित कास्य जित्न सफल भयो ।

महिला १०० मिटर हडल्स् (बाधा दौड) मा प्रदेश ५ की प्रमिला थारुले १६ दशमलव २५ सेकेन्डसहित स्वर्ण जितिन् । प्रदेश ५ की जयरानी चौधरीले १८ सेकेन्डको समय निकाल्दै रजत हात पारिन् । आर्मीकी तुलसा श्रेष्ठले १८ दशमलव २८ सेकेन्डसहित कास्य जितिन् ।

पुरुष ११० मिटर हडल्स् (बाधा दौड) मा आर्मीका निर कुमार चौधरीले १५ दशमलव ५६ सेकेन्डसहित स्वर्ण जिते । पुलिसका चन्द्रदेव जोशीले १५ दशमलव ६७ सेकेन्डको समयसहित रजत तथा आर्मीका अशोक कुवँरले १६ दशमलव ७० सेकेन्डको समयसहित कास्य जितिन् ।

महिला त्रिपल जम्पमा एपीएफका शीला चौधरीले ११.१४ मिटर टाढा जम्प गर्दै स्वर्ण जितिन् । प्रदेश ५ की पुजा चौधरी १०.५० मिटर जम्प गर्दै रजत तथा प्रदेश ५ कै सीमा चौधरीले १०.३७ मिटर जम्प गर्दै कास्य जितिन् ।