6 years ago
March 10, 2019
काठमाडौं – पाँचौ केएनपी राष्ट्रिय महिला भलिबल प्रतियोगिता आगामी बैशाख १० देखि १३ गते सम्म हुने भएको छ । आयोजक शेर बहादुर खड्का स्मृति प्रतिष्ठानले आज काठमाडौंमा एक पत्रकार सम्मेलन गर्दै प्रतियोगिता बारे जानकारी गराएको छ ।
प्रतियोगिताको विजेताले २ लाख, उप विजेताले १ र तेस्रो हुने टोलीले रु ५० हजार प्राप्त गर्ने छन् । गत वर्ष विजेताले १ लाख ५० हजार र उप विजेताले ७५ हजार प्राप्त गरेका थिए । प्रतियोगिताको सर्वोकृष्ट खेलाडी र शेर बहादुर स्पेशल अवार्डको विजेताले जनही रु १५-१५ हजार पाउने छन् । त्यस्तै विद्यागततर्फ उत्कृष्ट स्काईकर, उत्कृष्ट सेटर, उत्कृष्ट ब्लक, उत्कृष्ट डिफेन्स, उत्कृष्ट सर्भर र उत्कृष्ट प्रशिक्षक जनही ५ हजार प्राप्त गर्ने प्रतिष्ठानका अध्यक्ष अञ्जन खड्काले जानकारी दिए ।
त्यस्तै प्रतियोगिताको प्रत्येक खेलको वुमन अफ द म्याचले पनि नगद ५ हजार र ट्रफी पाउने छन् । प्रतियोगिताको सवोत्कृष्ट खेलाडी र शेर ब. खड्का स्पेशल अवार्डको विजेताले सुलक्स सेन्टरबाट रु ३०/३० हजार बराबरको टिसट घडी पनि पाउने प्रतिष्ठानले जनाएको छ । प्रतियोगिताको अनुमानित लागत २१ लाख रुपैयाँ रहेको छ ।
प्रतियोगिताको मुख्य प्रयोजकको रुपमा जापानको नम्बर वान पेन्ट बहुराष्ट्रिय कम्पनी केएनपी रहने छ । केएनपीका नेपाल प्रमुख मनोज कुमार मिश्र र प्रतिष्ठानकी संरक्षक गमली खड्काले आज सम्झौता पत्रमा हस्ताक्षर गरे । मुख्य प्रयोजक बापत केएनपीले प्रतिष्ठानलाई कति रकमप्रदान गर्ने भन्ने व्यापारीक गोपनियताको कारण देखाउदै केएनपीले खुलाउन चाहेन । अघिल्लो संस्करणमा ६ लाख सहयोग गरेको र यस पटक यो रकमलाई बढाउने बताएको छ । प्रतिष्ठानको अध्यक्ष अञ्जन खड्काले भलिवलमा पनि कर्पोरेट क्षेत्र आउनु राम्रो रहेको बताए ।
प्रतियोगितामा साविक विजेता एपिएफ, होङवान्जी न्युडायमन्ड, नेपाल पुलिस, आर्मी, पश्चिमाञ्चल भलिबल संघ र जावलाखेल भलिबल प्रशिक्षण केन्द्र गरि ६ टिमको सहभागिता रहने छ । प्रतियोगिता लिग कम नकाउटको आधारमा सञ्चालन हुने छ । त्रिपुरेश्वर स्थित कभर्डहल निर्माणधिन अवस्थामा रहेको अवस्थामा खेल स्थल कहाँ हुने भन्नेबारे पछि थाहा दिने आयोजकले जनाएको छ । बैशाख ९ देखी १४ गते सम्म हुने प्रतियोगिता अवधिभर खेलाडीको विमा पनि हुने भएको छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
काठमाडौं (हाम्रो खेलकुद)- झमेल रक्सको आयोजनामा अर्को महिना चौथो दशै फुटसल प्रतियोगिता हुने भएको छ। सानेपाको फिल्ड फुटसलमा असोज १९ गते हुने प्रतियोगिताको विजेताले १ लाख र दोस्रो हुने टोलीले ५० हजार रुपैयाँ प्राप्त गर्नेछ। प्रतियोगिताको उत्कृष्ट खेलाडी र गोलकिपरले समान ५ हजार ५ सय ५५ रुपैयाँ प्राप्त गर्नेछन्। प्रतियोगितामा भाग लिन चाहाने टोलीले ७ […]