काठमाडौं (हाम्रो खेलकुद) – एक्स बक्सर क्लब मकाउले नेपाल बक्सिङ संघको समन्वयमा अन्तर्राष्ट्रिय तथा राष्ट्रिय प्रतियोगितामा पलब जित्न सफल चार बक्सरलाई सोमबार नगदसहित सम्मानित गरेको छ ।

एक्स बक्सर समूहको आर्थिक सहयोगमा संघले पत्रकार सम्मेलन आयोजना गर्दै सोमबार पदक जित्न सफल चार खेलाडीलाई जनही २५–२५ हजार रूपैया नगदसहित सम्मानित गरेको हो । सम्मानित हुनेमा आर्मीका विमला श्रेष्ठ, पुनम रावल र सुशील थापा तथा पुलिसकी दिवाना शेर्मा छन् ।

विमलाले २०१८ फेब्रुअरी १ देखि ७ सम्म भएको प्रथम इन्डिया इनटरनेशनल पुरुष तथा महिला बक्सिङ च्याम्पियनसिपमा ५४ केजी तौल समूहमा कास्यपदक जित्न सफल भएका थिए । यस्तै पुनम रावलले सोही प्रतियोगिताको ६० केजी तौल समूहमा कास्यपदक हात पारेकी थिइन् ।

यस्तै दिवाना शेर्मा र सुशील थापाले यसैसाता काठमाडौंमा सम्पन्न वीर गणेशमान सिंह महिला तथा पुरुष राष्ट्रिय बक्सिङ च्याम्पियनसिपमा स्वर्ण जितेका थिए । दिवानाले महिला ४८ केजी तौल समूहमा स्वर्ण जितेक थिइन् । सुशिल श्रेष्ठले पुरुष ४९ केजी तौल समूहमा स्वर्ण हात पारेका थिए । उनीहरु दुवै जना प्रतियोगिताको सर्वाेत्कृष्ट खेलाडी चुनिएका थिए ।

खेलाडीहरुलाई नेपाल बक्सिङ संघका अध्यक्ष राम अवाले, एक्स मकाउ समूहका प्रतिनिधि लगायतले पुरस्कृत गरेका थिए ।