काठमाडौं (हाम्रो खेलकुद) – राजधानीमा जारी १४औं संस्करणको रेडबुल ढोरपाटन सुजुकी महिला डबल लिग भलिबल प्रतियोगिताको आजको सबै खेल स्थगित भएको आयोजक ढोरपाटन क्लबले जनाएको छ ।

वर्षाका कारण कोर्ट हिलाम्य भएका कारण आजको सबै खेल स्थगित गर्नु परेको क्लबका अध्यक्ष मनवीर छन्त्यालले हाम्रो खेलकुदलाई जानकारी गराए । प्रतियोगिताको पाँचौ दिन आज पाँच खेल हुने तालिका रहेको थियो । तर, मंगलबार रातिबाटै पानी परेका कारण खेल प्रभावित हुन पुगेको आयोजकले जनाएको छ ।

अध्यक्ष छन्त्यालले आजको खेल अर्काे कुनै दिन हुने र भोलिबाट नियमित तालिकाकै खेल हुने जानकारी गराए । पहिलो खेलमा पुलिस र थाहानगरपालिका, दोस्रो खेलमा पश्चिमाञ्चल क्षेत्रीय भलिबल संघ र सेव, तेस्रो खेलमा चितवन टाइगर्स र थाहा नगरपालिका, चौथो खेलमा खेलमा नेपाल पुलिस क्लब र आर्मी तथा पाँचौ खेलमा पश्चिमाञ्चल क्षेत्रीय भलिबल संघ श्रीगाँउ दाङबीच खेल हुने तालिका थियो ।
पाँचौ दिनको खेल सकिदा ४ खेलबाट १२ अंक जोडेर शीर्षंस्थानमा रहेको छ । ३ खेलबाट ९८ अंक जोडेको साविकको विजेता एपीएफ दोस्रो स्थानमा रहेको छ । ६ खेलबाट ९ अंक जोडेको दाङ तेस्रो तथा तीन खेलबाट ६ अंक जोडेको पुलिस चौथो स्थानमा रहेको छ । सेव पाँचौ, थाहा नगरपालिका छैटौ तथा अंकविहीन आयोजक ढोरपाटन सातौ स्थानमा रहेको छ । लिगमा पश्चिमाञ्चल क्षेत्रीय भलिबल संघ र चितवन टाइगर्सले खेल्न बाँकी छ ।
प्रतियोगिता माघबाट १९ माघसम्म चल्नेछ ।