पोखरा (हाम्रो खेलकुद) – साविकको विजेता विभागीय नेपाल एपीएफ क्लब र उपविजेता अर्काे विभागीय टोली नेपाल पुलिस क्लबबीच लगातार दोस्रो वर्ष सभामुख कप राष्ट्रिय महिला भलिबल प्रतियोगिताको उपाधि भिडन्त हुने भएको छ ।

पोखरास्थित पोखरा रंगशालाको भलिबल प्रशिक्षण केन्द्रमा शुक्रबार भएको खेलमा एपीएफले गण्डकी प्रदेशलाई तथा नेपाल पुलिस क्लबले प्रदेश ३ लाई पराजित गर्दै लगातार दोस्रो वर्ष उपाधि भिडन्त पक्का गरेका हुन् । गतवर्ष पनि यि दुई टोलीले उपाधिका लागि प्रशिस्पर्धा गरेका थिए । जसमा एपीएफ सफल भएको थियो ।

एपीएफ वर्षको सातौ उपाधिको खोजीमा रहनेछ । भने पुलिस वर्षको पहिलो उपाधि जित्ने लक्ष्यमा हुनेछ । बिहीबार एपीएफले घरेलु टोली गण्डकी प्रदेशलाई ३–० को सोझो सेटमा पराजित गर्दै लगातार दोस्रो वर्ष उपाधि नजिक पुगेको हो । एपीएफले पहिलो सेटमा २५–८ को सहज जित निकालेको थियो । दोस्रो सेटमा २५–१८ को सहज जित निकालेको एपीएफले तेस्रो सेट २५–११ ले सहजै जित्न सफल भयो ।

अर्काे सेमिफाइनलमा पुलिसले प्रदेश ३ लाई ३–२ को प्रतिस्पर्धात्मक सेटमा पराजित गर्दै एपीएफसँगको भेट पक्का ग¥यो ।
पहिलो सेट पुलिसले १८–२५ ले गुमाएको थियो । दोस्रो सेट पुलिसले २५–२० ले आफ्नो पक्षमा पार्न सफल भयो । तेस्रो सेट पुनः प्रदेश ३ ले २५–२३ ले जित्दै खेलमा अग्रता बनायो । चौथो सेट पुलिसले २७–२५ ले जित्दै खेललाई २–२ को रोमाञ्चक बनाएका थिए । निर्णायक सेटमा पुलिस १५–७ ले विजयी हुन सफल भयो । फाइनल खेल शनिबार हुनेछ । शनिबारै तेस्रो स्थानको लागि गण्डकी र प्रदेश ३ बीच खेल हुनेछ ।

प्रतियोगितामा तीन विभागीय टोली र ७ प्रदेश गरी १० टोलीको सहभागिता रहेको छ ।
प्रतियोगिताको विजेताले ३ लाख ५० हजार रुपैया हात पार्नेछन् । उपविजेताले १ लाख ७० हजार, तेश्रोले १ लाख र चौथो हुनेले ५० हजार रुपैया हात पार्नेछन् । प्रतियोगिताको सर्वाेत्कृष्ट खेलाडीले १० हजार रुपैया हात पार्नेछ । व्यक्तिगत विधातर्फका बेष्ट स्पाईकर, बेष्ट ब्लकर, बेष्ट सर्भर, बेष्ट सेटर, बेष्ट लिवेरो र वेष्ट प्रशिक्षकले जनही ५–५ हजार रुपैया हात पार्नेछन् ।