काठमाडौं (हाम्रो खेलकुद) – १४औं संस्करणको रेडबुल ढोरपाटन सुजुकी महिला डबल लिग भलिबल प्रतियोगिताको सम्पूर्ण तयारी पुरा भएको आयोजकले जनाकारी गराएको छ ।

आयोजक ढोरपाटन क्लबले राजधानीमा पत्रकार सम्मेलनको आयोजना गर्दै प्रतियोगिताको सम्पुर्ण तयारी पुरा भएको जानकारी गराएको हो । प्रतियोगिता ५ माघबाट १९ माघसम्म नयाँ बसपार्कस्थित ढोरपाटन क्लबको भलिबल कोर्टमा हुनेछ ।

डबल राउन्डको आधारमा हुने प्रतियोगितामा ९ टोलीको सहभागिता रहने क्लबका अध्यक्ष मनवीर छन्न्त्यालले जानकारी गराए । तर, उनले न्यु डायमण्डको विषयमा अझै पनि टुङ्गो लागि नसकेको जानकारी गराए । न्यु डायमण्डको सहभागिता नरहे ८ टोलीबीच प्रतिस्पर्धा गराइने जानकारी गराए । ‘खे कारणले उनीहरुले सहभागिता नजाउने भएको हो । हामीलाई केही पनि थाहा छैन । मलाई जहासम्म लाग्छ उनीहरुको प्रतियोगिता हाम्रो मैदानमा गर्न नदिएको रिस हुनसक्छ,’ पत्रकार सम्मेलनमा अध्यक्ष छन्त्यालले भने, ‘हामीले कोसिस गरिरहेका छौं । त्यही भएर नै टाइसिट बनाएका छैनौं । न्युृ डायमन्डको आधिकारिक कुरा आएपछि हामी टाइसिट बनाउनेछौं ।
प्रतियोगिताको पहिलो दिन दुई हुनेछ । पहिलो खेलमा मकवानपुर र सेव स्कुल तथा दोस्रो खेलमा विभागीय टोली त्रिभुवन आर्मी क्लब र श्री गाँउ खेलकुद बिकास समिति दाङबीच खेल हुनेछ ।
एपिएफ क्लब, न्यु डायमण्ड एकेडेमी, नेपाल पुलिस क्लब, पश्चिमाञ्चल क्षेत्रीय खेलकुद बिकास समिति पोखरा, त्रिभुवन आर्मी क्लब, चितवन टाइगर्स, श्री गाँउ खेलकुद बिकास समिति दाङ, सेव स्कुल र थाहा नगरपालिका मकवानपुरको सहभागिता रहनेछ ।
सेव स्कुलबाट तीन भारतीय खेलाडीले खेल्ने पक्का भएको र पश्चिमाञ्चल र चितवन टाइगर्सबाट पनि विदेशी खेलाडीले खेल्ने तय हुन बाँकी रहेको बताए ।
दोस्रो चरणमा ७ टोलीले स्थान बनाउनेछन् । यि टोलीहरुबाट धेरै अंक हात पार्ने टोली लिगको च्याम्पियन बन्नेछ ।
पोखराको ज्ञानुबाबा स्कुल र विभागीय नेपाल एपिएफ क्लब प्रतियोगिताको सर्वा्धिक सफल टोली टोली यि दुई टोलीले समान ५–५ पटक उपाधि जितेका छन् । ज्ञानुबावा दोस्रो देखि छैटौ संस्करण सम्म च्याम्पियन बनेको थियो । त्यसपछि सातौमा पुलिस च्याम्पियन बनेको थियो ।
त्यसपछि ११औं संस्करण सम्म एपिएफ च्याम्पियन बन्दा १२औं संस्करणमा भारतीय खेलाडी सम्मिलित रिड मोडल च्याम्पियन बनेको थियो । १३औंमा फेरि एपिएफ नै च्याम्पियन बनेको थियो । नेपाल पुलिस क्लब र रिड मोडल स्कुलले समान एक पटक उपाधि जितेका छन् । पहिलो संस्करणमा भने पुरुषको प्रतिस्पर्धा भएको थियो । जसमा आर्मीले बाजी मारेको थियो ।
प्रतियोगिताको विजेताले यसपटक ३ लाख ५० हजार पाउनेछ दोस्रो हुने टोलीले दुई लाख प्राप्त गर्ने छ । त्यस्तै तेस्रो हुनेले १ लाख, चौथो हुने टोलीले ६० हजार, पाँचौ हुनेले ४० हजार, छैठौं हुनेले ३० हारजार र सातौं हुने टोलीले २० हजार नगद पुरस्कार प्राप्त गर्नेछन् ।
व्यक्तिगत विधातर्फ उत्कृष्ट खेलाडी, उदयमान खेलाडी, बर्ष खेलाडी, प्लेयर अफ दि सिरिज र एक जना भाग्यमानि दर्शकले १–१ थान सुजुकी स्कुटर पाउने छन् । त्यस्तै उत्कृष्ट स्पाइकर, उत्कृष्ट डिफेन्डर, उत्कृष्ट ब्लकर, उत्कृष्ट सर्भर, उत्कृष्ट सेटर र उत्कृष्ट प्रशिक्षकले समान ६–६ हजार नगत प्रप्त गर्ने आयोजकले जानकारी दिए । प्रतियोगितामा ५० लाख लाग्ने अनुमान गरिएको छ ।
प्रतियोगितालाई रेडबुलले मुख्य प्रायोजन तथा भिजी अटोमोवाइलको सुजुकीसँग ३ वर्षको लागि सह–प्रायोजन गरेको छ । सम्झौतामा प्रत्येक भिजी सुजुकीको स्कुटर खरिदमा ५० हजार छुट हुनेछ । प्रतियोगिताको अनुमाति रकम ५० लाख रहेको छ ।