काठमाडौं (हाम्रो खेलकुद) – दुई विभागीय टोली साविकको विजेता त्रिभुवन आर्मी क्लब र नेपाली एपिएफ क्लब पोखरामा जारी चौथो अराबीबी एनभिए राष्ट्रिय पुरुष लिग भलिबल च्याम्पियनसिपको उपाधिका लगि भिड्ने भएका छन् ।

फाइल :तस्विर

यि दुई टोलीले लिग चरणमा पनि प्रतिस्पर्धा गरेका थिए । जसमा एपिएफ ३–२ को सेटमा विजयी भएको थियो ।

शुक्रबार पोखरा रंगशालास्थित भलिबल प्रशिक्षण केन्द्रमा सम्पन्न भएको खेलमा आर्मीले नयाँ बजार स्पोर्टस् क्लबलाई ३–० को सोझो सेटमा पराजित गर्दै शीर्ष स्थानमा रहँदै च्याम्पियनसिपको फाइनलमा पुग्न सफल भयो । आर्मीले नयाँबजारमाथि २५–१९, २५–२० र २५–१८ को सोझो सेटमा जित निकाल्यो ।

शुक्रबारै भएको लिग चरणको अर्काे खेलमा एपिएफले जावलाखेल धलिबल प्रशिक्षण केन्द्रलाई ३–१ को सेटमा पराजित गर्दै लिग चरणको दोस्रो स्थानमा रहँदै आर्मीसँगको उपाधि भिडन्त पक्का ग¥यो । एपिएफले जाउलाखेललाई २५–१०, १६–२५, २५–१७ र २५ १२ को सेटमा हरायो ।

जारी लिगमा नेपाल आर्मीले १८ अंक जोड्यो । एपिएफ १७ अंक जोडेर दोस्रो, पुलिस १६ अंक तथा मणिमुकुन्दले ११ अंक जोडेर चौथो स्थानमा रह्यो ।

शुक्रबारै भएको खेलमा विभागिय टोली नेपाल पुलिसले ढोरपाटनलाई ३–० को सोझो सोटमा पराजित ग¥यो । पुलिसले ढोरपाटनमाथि २५–२१, २५–१४ र २५–१८ ले आफ्नो पक्षमा पार्न सफल भयो । फाइनल र तेस्रो स्थानको लागि खेल शनिबार हुनेछ ।

प्रतियोगिताको विजेताले २ लाख रुपैयाँ प्राप्त गर्नेछ । दोस्रो हुने टोलीले १ लाख रुपैयाँ पाउनेछ । तेस्रो र चौथो हुनेले क्रमश: ५० र २५ हजार रूपैयाँ प्राप्त गर्नेछन् । व्यक्तिगत विधातर्फ उत्कृष्ट लिबेरो, उत्कृष्ट सर्भर, उत्कृष्ट ब्लकर, उत्कृष्ट लिफ्टर, उत्कृष्ट स्पाइकर र प्रशिक्षकले जनही ५–५ हजार रूपैयाँ पाउनेछन् ।