default_image

6 years ago

December 17, 2018

पुरुष क्लब लिग भलिबलमा पुलिसको दोहोरो जित

95 views

0 Bookmark

पोखरा (हाम्रो खेलकुद) – उपाधिको दावेदार विभागीय नेपाल पुलिस क्लबले पोखरामा जारी चौथो आरबीबी एनभीए राष्ट्रिय पुरुष क्लब लिग भलिबल प्रतियोगितामा दोहोरो जित निकालेको छ ।

पोखरास्थित पोखरा रंगशालाको भलिबल कोर्टमा सोमबार भएको खेलमा पुलिसले जावलाखेल भलिबल प्रशिक्षण केन्द्र र नयाँ बजार क्लबलाई पराजित गर्दै दोहोरो जित निकालेको हो । दिनको पहिलो खेलमा पुलिसले जावलाखेलमाथि २५–२१, २५–१४ र २५–१८ को सोझो सेटमा जित दर्ता गर्दा नयाँ बजारमाथि ३–१ को जित निकाल्यो । सुरुवाती २ सेट २५–२२ र २५–२१ ले आफ्नो पक्षमा पारेको पुलिसले तेस्रो सेट १९–२५ ले गुमाएको थियो । चौथो सेट २५–१३ ले सहजै जित हात पार्यो ।

यस्तै विभागीय त्रिभुवन आर्मी क्लबले ढोरपाटन स्पोर्टस् क्लबलाई ३–० को सोझो सेटमा पराजित गर्दै लिगमा दोस्रो जित निकाल्न सफल भयो । आर्मीले ढोरपाटनमाथि २५–१९, २५–१७ र २५–१२ ले पराजित गरेको हो । एपीएफले रुपन्देहीको मणिमुकुन्द भलिबल क्लबलाई २५–१८, २५–१५ र २५–१७ को सोझो सेटमा पराजित गर्यो ।

सोमबारै हेल्प नेपाल स्पोर्टस् क्लबले नयाँबजार स्पोर्टस क्लबमाथि ३–२ को कठिन जित निकाल्यो । हेल्प नेपालले पहिलो सेट २२–२५ ले गुमाएको थियो । दोस्रो सेटमा २५–२१ को जित निकालेपछि तेस्रो सेटमा २५–२० ले विजयी रहयो । तर हेल्प नेपलले चौथो सेट १६–२५ ले गुमाएपछि खेल २–२ को बराबरीमा पुगेको थियो । निर्णायक सेटमा हेल्प नेपालले १५–११ को जित निकाल्यो ।

प्रतियोगिताको दोस्रो दिनको खेल सकिदा पुलिस ३ खेलबाट ९ अंक जोडेर लिगको शीर्ष स्थानमा छ । ६ अंक जोडेको आर्मी र एफिएफ दोस्रो र तेस्रो स्थानमा छ । नयाँ बजारसँग १ एक गुमाएको हेल्प नेपाल ५ अंक जोडेर चौथो स्थानमा छ । प्रतियोगिता अन्तर्गत मंगलबार चार खेल हुनेछ । दिनको पहिलो खेलमा मणिमुकुन्दले ढोरपाटन, हेल्प नेपालले नेपाल पुलिस, त्रिभुवन आर्मी क्लबले एपिएफ र मणिमुकुन्दले नयाँबजारसँग खेल्नेछ ।

March 19, 2025

‘एनओसीमा तालाबन्दी सरकारी हस्तक्षेप हो’ -ओसिए

काठमाडौं (हाम्रो खेलकुद )- नेपाल ओलम्पिक कमिटी (एनओसी) को सातदोबाटो स्थित कार्यालयमा तालाबन्दी गरिनुलाई ओलम्पिक काउन्सिल अफ एसिया (ओसिए) ले सरकारी हस्तक्षेप भनेको छ । ओसिएका महानिर्देशक हुसैन अल मुसल्लमले मंगलवार एनओसी अध्यक्ष जीवनराम श्रेष्ठलाई लेखेको पत्रमा भनेका छन्, ‘एनओसीको कार्यालय बन्द गरिएको तथा त्यहाँका कर्मचारीहरूलाई काम गर्न नदिइएको सुन्दा म अत्यन्तै आश्चर्यचकित भएको छु। […]

March 18, 2025

आर्मी राष्ट्रिय महिला फुटबलको सेमिफाइनलमा

सुशील पन्त क्षेत्री,चितवन त्रिभुवन आर्मी फुटबल क्लब चितवनमा जारी राष्ट्रिय महिला फुटबल प्रतियोगिताको सेमिफाइनलमा पुगेको छ । आज भएको पहिलो चरणको अन्तिम खेलमा आर्मीले संकटा एफसी काठमाडौंलाई २-० ले हराउँदै अन्तिम चारको यात्रा तय गर्यो। आर्मीको जितमा हिमा चौधरी र चन्द्रा भण्डारीले गोल गरे । पहिलो हाफमा आर्मीलाई रोकेको संकटा दोस्रो हाफमा गोलको‌ सामना गर्यो […]

March 18, 2025

ह्विलचियर बास्केटबलमा जावलाखेल र आर्मी च्याम्पियन 

काठमाडौं(हाम्रो खेलकुद)- जावलाखेल ह्विलचियर स्पोर्ट्स क्लब (जेडब्युएससी) महिलातर्फ र त्रिभुवन आर्मी क्लबले पुरुषतर्फ अन्तर उपत्यका क्लबस्तरीय ह्विलचियर बास्केटबल प्रतियोगिताको उपाधि जितेको छ।  नेपाल स्पाइनल कर्ड इन्जरी खेलकुद संघ (एनएससिआइएसए) को आयोजना र युवा तथा खेलकुद मन्त्रालय, बागमती प्रदेशको सहयोगमा त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा आज सकिएको प्रतियोगिताका विजेता दुवै टोलीले ५० हजार रुपैयाँ प्राप्त […]

Success

Thank you for your time.