6 years ago
October 11, 2018
अर्जुन कार्की
बागलुङ- २२ औं संस्करणको राष्ट्रि महिला भलिबल प्रतियोगितामा तीन विभागीय टिमसहित प्रदेश नम्बर ५ सेमिफाईनलमा प्रवेश गरेको छ ।
बागलुङ जिल्लाको गल्कोट नगरपालिकामा बिहीबार भएका समुह चरणका अन्तिम खेलमा विभागीय टिम एपीएफले समुह ‘ए’बाट र नेपाल पुलिसले समुह ‘वि’बाट सतप्रतिशत जित निकाल्दै समुह विजेता बन्दै सेमिफाईनल प्रवेश गरेभने त्रिभुवन आर्मी समुह ‘ए’को उपविजेता र प्रदेश नम्बर ५ समुह ‘वि’को उपविजेता भन्दै सेमिफाईनलमा प्रवेश गरेका हुन ।
शुक्रबार फाईनल प्रवेशको लागि समुह एको विजेता एपीएफले समुह विको उपविजेता प्रदेश नम्बर ५ को सामना गर्नेछ भने समुह विको विजेता नेपाल पुलिसले समुह एको उपविजेता आर्मीको सामना गर्ने छ ।
बिहीबार समुह चरणका ६ खेल सम्पन्न भएका थिए । बुधबारको पहिलो खेलमा त्रिभुवन आर्मीले प्रदेश नम्बर ७ लाई ३–० को सोझो सेटमा जित निकाल्यो । आर्मीले प्रदेश ७ लाई २५–६, २५–११ र २५–८ को सेटमा पराजित गरेको थियो ।
यस्तै दोस्रो खेलमा प्रदेश नम्बर ३ लाई नेपाल प्रहरीले ३–० कै सोझो सेटमा पराजित गरेको थियो । प्रहरीले प्रदेश ३ लाई २५–११, २५–७ र २५–१३ को सेटमा पराजित गरेको थियो । तेस्रो खेलमा आर्मीले कर्णाली प्रदेशलाई ३–० को सोझो सेटमा पराजित गर्यो । आर्मीले २५–६, २५–२ र २५–८ ले कर्णाली प्रदेशलाई हराएको थियो ।
गण्डकी प्रदेशले प्रदेश नम्बर ७ लाई २५–१६, २५–१५ र २५–१६ ले ३–० को सोझो सेटमा पराजित गर्यो । यस्तै नेपाल प्रहरीले प्रदेश नम्बर २ लाई ३–० को सोझो सेटमा पराजित गर्दै समुह चरणमा शतप्रतिशत नतिजा निकालेको थियो प्रहरीले प्रदेश २ लाई २५–९, २५–७ र २५–१० ले पराजित गरेको थियो ।
यस्तै समुह चरणको अन्तिम खेलमा विभागीय टिम एपीएफले समुह विजेता बन्ने क्रममा गण्डकी प्रदेशलाई ३–० को सोझो सेटमा पराजित गरेको थियो । महिला भलिबलमा देशकै नम्बर १ टिमको रुपमा दहरिएको एपीएफले गण्डकी प्रदेशलाई २५–२०, २५–१३ र २५–१६ ले पराजित गरेको थियो ।
नेपाल भलिबल संघको आयोजना, जिल्ला भलिबल संघ बागलुङको व्यवस्थापन र गल्कोट नगरपालिकाको सहयोगमा संचालन भईरहेको प्रतियोगिताबाट राष्ट्रिय टोलीका १८ खेलाडी र ६ बैकल्पिक लागि २४ खेलाडीको छनोट गरिने नेपाल भलिबल संघका वरिष्ठ उपाध्यक्ष याम गुरुङले जानकारी दिए ।
प्रतियोगिताको विजेताले ५०, दोस्रोले ३० र तेस्रोले २० हजार पाउने छन् । प्रतियोगिताको सर्वोत्कृष्ट खेलाडीले १० हजार रुपैयाँ पाउनेछन् । त्यस्तै उत्कृष्ट स्पाइकर, सर्भर, लिबेरो, सेटर र ब्लकरलाई समान ५ हजार रुपैयाँ पाउनेछन् ।
March 20, 2025
सुशील पन्त क्षेत्री,चितवन त्रिभुवन आर्मी फुटबल क्लब चितवनमा जारी राष्ट्रिय महिला फुटबल प्रतियोगिताको फाइनलमा प्रवेश गरेको छ । दोस्रो सेमिफाइनलमा आज रौतहट एफसीलाई हराउँदै आर्मी उपाधि नजिक पुगेको हो । रोमाञ्चक खेलमा आर्मी ६-३ ले विजयी भयो । खेलको ३० सेकेन्डमा आर्मीविरुद्ध रौतहटले अग्रता लिएको थियो । त्यसपछि आर्मी खेलमा फर्कियो । आर्मीको जितमा चन्द्रा […]
March 20, 2025
सुमन अधिकारी, बुटवल बुटवल ब्याडमिन्टन क्लबको आयोजनामा तेस्रो राष्ट्रिय ब्याडमिन्टन प्रतियोगिता बिहीवार सुरु भएको छ । ३ दिनसम्म चल्ने प्रतियोगितामा विभागीय टोलीसँगै एक सय टिमका करिब २ सय खेलाडीको सहभागिता रहेको क्लबका सचिव भानु केसीले जानकारी दिए । प्रतियोगिताको पहिलो दिन मेन्स डबल्स र भेट्रानका केहि खेल भएका छन् । शुक्रवार मेन्स तथा वुमन्स सिंगलका […]
March 20, 2025
काठमाडौं (हाम्रो खेलकुद)- राष्ट्रिय महिला फुटबल टोलीकी फरवार्ड सावित्रा भण्डारी ‘साम्बा’ को सम्मानमा साम्बा चोक नामाकरण गरिएको छ। मस्र्याङदी गाउँपालिका ९ खुदीपुल वारीको क्षेत्रलाई ‘साम्बा’ चोक नामाकरण गरिने भएको हो । साम्बा मस्र्याङ्दी गाउँपालिका ९ पामचोकमा जन्मिएकी हुन् । साम्बाको सम्मानमा चोकको नामाकरण गर्न लागिएको गाउँपालिका अध्यक्ष अर्जुन गुरुङले जानकारी दिए । गाउँपालिकाको चैत ३ गते […]