7 years ago
September 14, 2018
काठमाडौं (हाम्रो खेलकुद) – नेपाल भलिबल संघले प्रतियोगिता आयोजनामा विकेन्द्रिकरणको प्रयास शुरु गरेको छ । संघकै आयोजनामा २१औं संस्करणका काठमाडौंमा सम्पन्न गरेको महिला भलिबल प्रतियोगिताको २२ औं संस्करणको राष्ट्रिय भलिबल प्रतियोगिता बाग्लुङमा आयोजना गर्ने निर्णय गरेसँगै संघले विकेन्द्रिकरण प्रयास थालेको हो ।
संघले शुक्रबार राजधानीमा पत्रकार सम्मेलनको आयोजना गर्दै प्रतियोगिता बाग्लुङको गल्कोट नगरपालिकामा गराउने जानकारी गराएको हो । यससँगै संघको आयोजना, बाग्लुङ जिल्ला भलिबलसंघको व्यवस्थापन र गल्कोट नगरपालिकाको सहयोगमा प्रतियोगिता २३ असोजदेखि २७ असोजसम्म हुदैछ । यससँगै संघको प्रतियोगिता आयोजनाको लागि बाग्लुङ जिल्ला भलिबल संघलाई ६ थान बल, १ थान नेट र १ लाख रुपैया हस्तान्तरण गरेको छ । केन्द्रिय संघका अध्यक्ष मनोरन्जनरमण शर्माले बाग्लुङ संघका अध्यक्ष यम बहादुर श्रीसलाई सामग्री हस्तान्तरण गरे ।
संघले यो प्रतियोगिताबाट उत्कृष्ट २४ खेलाडी छनोट गरी राष्ट्रिय टिमको तयारीको लागि राखिने बताए । गल्कोट नगरपालिकाका मेयर भरत शर्मा गैह्रेले नगरपालिकाको योजनामा खेलकुदको कार्यक्रम समावेश गरिएको र यसबारेमा बाग्लुङ जिल्ला भलिबल संघका अध्यक्षसँग कुराकानीको क्रममा नेपालको राष्ट्रिय खेल भलिबल नै आयोजना गर्न पाउनु गल्कोटको लागि खुशीको कुरा रहेको बताए ।
संघीय ढाँचामा हुने प्रतियोगितामा ७ प्रदेश र तीन विभागीय टिम गरी १० टिमको सहभागिता रहने संघले जनाएको छ । प्रतियोगितामा सहभागी टिमलाई दुई समूहमा विभाजन गरिनेछ । हरेक समूहका शीर्ष दुई टोलीले सेमिफाइनलमा स्थान बनाउनेछ । प्रतियोगिताको विजेताले ५० हजार प्राप्त गर्नेछन् । यस्तै दोस्रोले ३० र तेस्रोले २० हजार पाउने छन् । प्रतियोगिताको सर्वोकृष्ट खेलाडीले १० हजार पाउनेछन् । त्यस्तै व्यक्तिगत विधातर्फ उत्कृष्ट हुने स्पाइकर, सर्भर, लिबेरो, सेटर र ब्लकरलाई समान ५ हजार प्रदान गरिनेछ ।
March 19, 2025
काठमाडौं (हाम्रो खेलकुद)- नेपाल ओलम्पिक कमिटी (एनओसी) को १८औं विशेष साधारण सभा आज सम्पन्न भएको छ। हिजो उच्च अदालत पाटनले विशेष साधारण सभा नगर्न अन्तरिम आदेश जारी गरेको थियो। सरकारले एनओसी कार्यलयमा तालाबन्दी गरेको कारण अदालतको पत्र बुझ्ने ठाउँ नै नभएको र पत्र प्राप्त नभएको एनओसीका महासचिव राजीव श्रेष्ठले बताए। नेपाल सरकार युवा तथा खेलकुद […]
March 19, 2025
काठमाडौं (हाम्रो खेलकुद)- नेपाल पुलिस क्लबका स्पिनर ललित नारायण राजवंशी लुम्बिनी प्रदेशमा जारी प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा प्रदर्शन अब्बल रहँदै आएको छ। पुलिसले अहिले सम्म खेलेका सबै ६ खेलमा जित निकाल्न सफल रहँदा ललितको प्रदर्शन प्रमुख बनेको छ। उनको बलिङको जादु चलिरहेको छ। क्रिकेटमा ५ विकेट हलको महत्त्व विशेष मानिन्छ। लेफ्ट आर्म […]
March 19, 2025
सुशील पन्त क्षेत्री, चितवन फराकिलो जित निकाल्दै एपिएफ फुटबल क्लब चितवनमा जारी राष्ट्रिय महिला फुटबल प्रतियोगिताको फाइनलमा प्रवेश गरेको छ । पहिलो सेमिफाइनलमा आज भरतपुर २४ लाई ११-० ले हराउँदै एपिएफ उपाधि नजिक पुगेको हो । भरतपुर ७ कृष्णपुर मैदानमा भएको खेलमा एपिएफको जितमा अनिता केसी र रश्मिकुमारी घिसिङले समान ४ गोल गरे । प्रीति […]