पोखरा (हाम्रो खेलकुद) – महिला भलिबलमा चिरपरिचित दुई प्रतिद्धन्द्धी न्यु डायमन्ड एकेडेमी र विभागीय नेपाल एपीएफ क्लबले वर्षको चौथो उपाधि भिडन्त पक्का गरेका छन् ।

पोखरा लामाचौरमा तीज महोत्सवको अवसरमा भैरहेको प्रतियोगिताको मंगलबार भएको पहिलो सेमिफाइनलमा डायमन्डले विदेशी खेलाडी सम्मिलित चितवन टाइगर्समाथि ३–० को सहज जित निकाल्दै फाइनलमा स्थान बनाए । साविकको उपविजेता समेत रहेको डायमन्डले चितवनमाथि पहिलो सेटमा २५–१८ को सहज जित निकालेको थियो । दोस्रो सेटमा १७ –२२ ले पछि परेको अबस्थालाई उल्टाउदै २५–२३ को संघर्षपुर्ण जित निकाल्न सफल भयो । डायमन्डले तेस्रो सेटमा २५–१७ को सहज जित निकाल्न सफल भयो ।

इन्द्रराज्यलक्ष्मी माबिको भलिबल कोर्टमा भएको विभागीय डर्वी सेमिफाइनलमा साविकको विजेता नेपाल एपीएफ क्लबले त्रिभुवन आर्मी क्लबमाथि ३–० को सहज जित निकाल्दै डायमन्डसँगको भेट पक्का ग¥यो । एपिएफले आर्मीलाई पहिलो सेटमा २५–२२, २५–२० र २५–२१ ले पराजित ग¥यो ।

एपीएफ र डायमन्डको यो वर्षको चौथो उपाधि भिडन्त हो । यसअघिका सबै तीन भेटमा एपीएफले जित निकालेको थियो । यि दुई टोलीले शेर बहादुर खड्का स्मृति खुल्ला महिला भलिबल प्रतियोगिता, प्रथम समभामुख र कप र एनभीए क्लब लिगको फाइनल खेलेका थिए ।

प्रतियोगिताको विजेताले १ लाख र उपबिजेताले ६५ हजार रुपैयाँसहित ट्रफि, मेडल र प्रमाणपत्र प्राप्त गर्नेछ । प्रतियोगितामा दुइ बिभागिय क्लब एपिएफ र आर्मी गरी ५ टोली सहभागि छन् ।