आर्मीका दुवै टिम सेमिफाइनलमा भिड्ने

काठमाडौं, फागुन ११
आयोजक आर्मीको ए र बी टिम बीच सेमिफाइनलमा भिड्ने पक्का भएको छ ।

मंगलवार भएको लिग खेलमा आर्मीको बी टिमले पश्चिमाञ्चललाई हराए पछि अन्तिम चारमा प्रवेश गरेको हो । सेमिफाइनल प्रवेशका लागि दुवै टिमले जित्नै पर्ने अवस्थामा आर्मी बीले पश्चिमाञ्चललाई ३–० को सोझो सेटमा पराजित ग¥यो । आर्मीले पश्चिमाञ्चलमाथि २५–१८, २५–१९ र २५–१२ को सहज जित निकाल्यो । त्यस्तै अन्य खेलमा पुलिस, एपीएफ र मध्यामञ्चलले जित निकाले । पुलिसले पूर्वाञ्चललाई २५–१४, २५–२० र २५–२० को सोझो सेटमा हरायो ।

लिगका तीनै खेल जितेको पुलिस समूह कबाट बिजेताको रुपमा सेमिफाईनल प्रबेश गरेको छ । समूह बी मा रहेको एपीएफले मध्यपश्चिमाञ्चललाई २५–१२, २५–२० र २५–१८ को सोझो सेटमा हरायो । एपीएफले ३ खेलबाट ६ अंक बनाएर सेमिफाईनल प्रवेशका लागि पकट बलियो बनाएको छ । मध्यामञ्चलले सूदुर पश्चिमाञ्चललाई २५–१८,२५–२३ र २५–२२ को सोझो सेटमा हराउदै पहिलो जित निकालेको छ ।
बुधवार लिग चरणको अन्तिम खेलहरु हुनेछन् ।