काठमाडौं, फागुन ९ ‘प्रधान सेनापति प्रथम राष्ट्रिय पुरुष भलिबल’ प्रतियोगिताको पहिलो दिन सुुदूरपश्चिम, नेपाल पुलिस र त्रिभुवन आर्मी क्लबले विजयी सुरुआत गरेका छन् ।

प्रतियोगिता अन्र्तगत आइतबार सैनिक शारीरिक तालिम तथा खेलकुद केन्द्रको कर्भडहल, लगनखेलमा भएको पहिलो खेलमा सुदुरपश्चिमले मध्यपश्चिमलाई पराजित गरेको हो । यस्तै नेपाल प्रहरीले प्रतियोगिताको बलियो मानिएको पश्चिमाञ्चललाई पराजित ग¥यो । त्यस्तै आइतबारै भएको अर्काे खेलमा आयोजक त्रिभुवन आर्मी क्लबको ‘ए’ टिमले सशस्त्र प्रहरीको एपिएफ क्लबलाई तथा त्रिभुवन आर्मी क्लबको ‘बी’ टिमले पुर्वाञ्चललाई पराजित ग¥यो ।
नागरिक–सैनिक सम्बन्ध सुदृढ बनाउंदै लैजान एवम् नेपाली सेनाको तर्पmबाट खेलकुदको बिकासमा समेत थप टेवा पु¥याउने उद्धेश्य अनुरुप महाशिवरात्री तथा सेना दिवस–२०७२ को अवसर पारेर सेनाले प्रतियोगिताको आयोजना गरेको हो ।
प्रतियोगिताको विजेताले तीन लाख रपैया प्राप्त गर्नेछन् । यस्तै विधागततर्फ उत्कृष्ट हुने खेलाडीले जनही १० हजार तथा प्रतियोगिताको सर्वाेत्कृष्ट हुने खेलाडीले एक थान मोटरसाइकल प्राप्त गर्नेछ । यस किसिमको प्रतियोगिताले नागरिक–सैनिक सम्बन्ध सुदृढ एवम् प्रगाढ बनाउन मद्धत पुग्नुको साथै राष्ट्रिय÷अन्तर्राष्ट्रिय खेलकुदको बिकासमा समेत थप टेवा पुग्न जाने विश्वास नेपाली सेनाले लिएको छ । प्रतियोगितामा नेपाली सेनाको त्रिभुवन आर्मी क्लव ‘ए’ र ‘बी’ टिम लगायत नेपाल प्रहरी र सशस्त्र प्रहरी बलका दुई तथा विगतका पाँच विकाश क्षेत्रका पाँच भलिबल टिमगरी नौ टिमको सहभागिता रहेको छ । । प्रतियोगिता फागुन १४ गतेसम्म संचालन हुनेछ ।
सोही अबसरमा सेनापति क्षत्रीले १२औं दक्षिण एसियाली खेलकुद प्रतियोगितामा सहभागी भई विभिन्न विधामा पदक जित्न सफल नेपाली सेना तथा नेपाली सेनासँग आवद्ध खेलाडीहरुलाई नगद पुरस्कार सहित सम्मान गरेका थिए । १२ औं सागमा नेपालले प्राप्त गरेको कुल पदकमध्ये नेपाली सेना र नेपाली सेनासँग आबद्ध खेलाडीहरुले व्यक्तिगततर्फ २ र सामुहिक तर्फ १ गरी कुल ३ स्वर्ण, ११ रजत र १८ कास्य गरी जम्मा ३२ पदक हासिल जितेका थिए ।