काठमाडौं (हाम्रो खेलकुद) – साविकको विजेता शिवम् न्यु डायमण्ड एकेडेमी र उपविजेता नेपाल एपीएफ क्लब पाँचौ सशस्त्र प्रहरी महानिरीक्षक राष्ट्रिय खुुल्ला महिला भलिबल प्रतियोगिताको फाइनलमा प्रवेश गरेका छन् ।

यससँगै यि दुई टोलीले यो सिजन लगातार आठपटक उपाधिका लागि खेल्न लागेका हुन् । यि दुई टोलीले पोखरामा तीज भलिबल, ढोरपाटन लिग, न्यु डायमण्ड कप, मेयर कप, पिएम कप, एनभिए क्लब च्याम्पियनसिप र दिदी बहिनीकपमा उपाधिका लागि प्रतिस्पर्धा गरेका थिए । जसमध्ये एपीएफले न्यु डायमण्ड कप बाहेक सबैमा उपाधि जित्न सफल भएको थियो ।

एपीएफ मुख्यालय हल्चोकमा विहिबार भएको सेमिफाइनलमा शिवम् न्यु डायमण्डले विभागी नेपाल पुलिस क्लवलाई ३–० को सोझो सेटमा पराजित गर्दै उपाधिनजिक पुगेका हुन् । एकपक्षीय बनेको खेलमा डायमण्डले पुलिसमाथि २५–१०, २५–२२ र २५–१३ को सहज जित निकाल्यो । उत्कृष्ट प्रदर्शन गरेकी न्यु डायमण्डकी प्रतिभा माली वुमन अफ द म्याच घोषित भईन् ।

बिहिबारै भएको अर्काे सेमिफाइनलमा नेपाल एपीएफ क्लबले त्रिभुवन आर्मी क्लबमाथि ३–० को सहज जित निकाल्दै डायमण्डसँगको भेट पक्का ग¥यो । एपीएफले आर्मीमाथि २५–९, २५–९ र २५–१० को सहज जित निकाल्यो । खेलमा एपीएफ क्लबकी नेविका चौधरी वुमन अफ द म्याच घोषित भईन् । फाइनल शुक्रबार हुनेछ ।

प्रतियोगिताको विजेताले उपाधिसहित २ लाख ५० हजार पाउनेछ । दोस्रो हुनेले १ लाख २५ हजार तथा तेस्रो हुनेले ५० हजार रुपैयाँ प्राप्त गर्नेछन् विभिन्न विधाका उत्कृष्ट खेलाडीहरुले जनही ५ हजार तथा प्रतियोगिताको सर्वोत्कृष्ट खेलाडीले एक थान स्कुटी प्राप्त गर्नेछ । प्रतियोगितामा विभिन्न ६ टिमले लिग कम नकआउटको आधारमा प्रतिस्पर्धा गरेका थिए ।