काठमाडौं (हाम्रो खेलकुद) – दुई विभागीय टोली नेपाल पुलिस क्लब र नेपाल एपीएफ क्लब तेस्रो संस्करणको प्रधान सेनापति राष्ट्रिय पुरुष भलिबल प्रतियोगितामा सहज जित निकालेका छन् ।

लगनखेलस्थित सैनिक शारीरिक तथा खेलकुद केन्द्रको कवर्डहलमा मंगलबार भएको खेलमा पुलिसले मध्यमाञ्चल तथा एपीएफले सुदूरमाथि सहज जित निकालेको हो । पहिलो खेलमा पुलिसले मध्यमाञ्चललाई ३–० को सोझो सेटमा पराजित ग¥यो । एकपक्षीय बनेको खेलमा पुलिसले मध्यमाञ्चलमाथि २५–८, २५–१५ र २५–१३ को सहज जित निकाल्यो ।

मंगलबारै भएको अर्काे खेलमा विभागीय नेपाल एपीएफ क्लबले सुदूरपश्चिममाथि ३–० कै सहज जित निकाल्यो । पहिलो सेट २५–१३ ले आफ्नो पक्षमा पारेको एपीएफले दोस्रो सेट २५–२० ले जित्दा तेस्रो सेट २५–१८ ले आफ्नो पक्षमा पार्न सफल भयो ।

प्रतियोगिता अन्र्तगत बुधबार चार खेल हुनेछ । पहिलो खेलमा मध्यमाञ्चल र पशिचमाञ्चल, मध्यपश्चिम र सुदूरपश्चिम, त्रिभुवन आर्मी क्लब र एपीएफ र नेपाल पुलिस क्लब र पूर्वाञ्चलबीच खेल हुनेछ ।

प्रतियोगितामा ३ विभागसहित तत्कालीन ५ प्रदेशसहित ८ टिमको सहभागिता रहने आयोजक सेनाले जनाएको छ । प्रतियोगिता फागुन ६ गतेबाट १२ गतेसम्म लगनखेलस्थित सैनिक शारीरिक तथा खेलकुद केन्द्रको कवर्डहलमा हुनेछ । सहभागी टोलीलाई दुई समूहमा विभाजन गरिएको छ । हरेक समूहका शीर्ष दुई टोली सेमिफाइनल प्रवेश गर्नेछन् ।

लिग कम नकआउटको आधारमा हुने प्रतियोगिताको विजेताले ३ लाख रुपैया प्राप्त गर्नेछ । दोस्रो हुनेले १ लाख ५० हजार र तेस्रो हुनेले ७५ हजार प्राप्त गर्नेछ । यस्तै प्रतियोगिताको उत्कृष्ट स्पाइकर, ब्लकर, डिफेन्डर, लिफ्टर र प्रशिक्षकले समान १० हजार प्राप्त गर्नेछ ।