काठमाडौं (हाम्रो खेलकुद) – बनेपा नगरपालिका, काभ्रे र मोर्डन कलेज भक्तपुरले तेक्वान्दो आइटिएफ नेपालका पदक जित्न सफल पाँच खेलाडीलाई सम्मान गरेको छ ।

बनेपा नगरपालिका र मोर्डन कलेजले तेक्वानदो आइटिएफ नेपालको संयोजनमा शुक्रबार राजधानीमा पत्रकार सम्मेलनको आयोजना गर्दै तेक्वान्दो खेलाडीहरु सस्मन बस्नेत, विविका बस्नेत, आषिश थापा, शान्ताकुमार थापा मगर र निशान्त लामिछानेलाई सम्मान गरेको हो । सस्मनले बनेपा नगरपालिका र मोर्डन कलेजबाट समान २०-२० हजार रुपैयासहित प्रशंशापत्र प्राप्त गरे । साथै सस्मन अध्ययनरत मोडल कलेजले उनलाई कक्षा ११ र १२ को लागि सत प्रतिशत छात्रवृत्ति समेत प्रदान गरेको छ ।

सस्मनले २०१७ अगष्टमा इन्चोन शहरमा आयोजना भएको एसियन तेक्वान्दो च्याम्पियसिपमा स्पारिङतर्फ स्वर्णपदक तथा कोरिया ओपल अन्तर्राष्ट्रिय फेस्टिवलमा स्पारिङ तथा प्याट्रनमा क्रमष: रजत र कांस्य हात पारेका थिए । सस्मनले सन् २०१६ मा बेलायतमै भएको विश्व तेक्वान्दो प्रतियोगितामा रजत पदक जितेका थिए ।

तेक्वान्दो आइटिएफ नेपालले २०१७ को डिसेम्वरमा भारतको बैंग्लोरमा सम्पन्न भएको अन्तर्राष्ट्रिय आमन्त्रण तेक्वान्दो प्रतियोगिताका ४ जना पदक विजेताहरुलाई पनि सम्मान गर्‍यो । सम्मानित हुने खेलाडीहरुलाई प्रमुख अतिथि ओलम्पियन मुकुन्द हरि श्रेष्ठ, बनेपा नगरपालिकाकी उपमेयर रेखा दाहाल लगायतले सम्मानित गरिन् ।

तेक्वान्दो आइटिएफ नेपालका संस्थापक अध्यक्ष तथा आइटिएफ तेक्वान्दोका पहिलो अन्तर्राष्ट्रिय पदक विजेता लक्ष्मण बस्नेतले आउदोे सेप्टेम्बर २०–२२ तारिखसम्म मास्टर क्लास तथा तेस्रो एभरेष्ट ओपन अन्तर्राष्ट्रिय तेक्वान्दो प्रतियोगिता आयोजना गर्न लागिएको ताए ।