काठमाडौं (हाम्रो खेलकुद) – नेपाली राष्ट्रिय खेलाडी ज्ञानी चुनारा, यान कुमारी चौलागाईं र तारा कुमार रायमाझीले अमेरिकाको डालास टेक्सासमा भएको डालास अन्तर्राष्ट्रि तेक्वान्दो च्याम्पियनसिपमा स्वर्ण पदक जित्न सफल भएका छन् ।

शनिबार राति डालासमा सम्पन्न महिला फेदर वेट (५३–५७) केजी तौल समूहको फाइनलमा यान कुमारीले साल्भाडोरकी खेलाडीलाई पराजित गर्दै स्वर्ण जित्न सफल भएकी हुन् । यानले सेमिफाइनलमा भारतकी खेलाडीलाई पराजित गरेकी थिईन् । यस्तै ज्ञानी चुनाराले महिला लाइट वेट (५३–५७) केजी तौल समूहको फाइनलमा अमेरिकी खेलाडीलाई पराजित गर्दै स्वर्ण जित्न सफल भएकी हुन् ।

ज्ञानीले सेमिफाइनलमा पानमाका खेलाडीलाई पराजित गर्दै फाइनलमा पुग्न सफल भएकी थिईन् । यस्तै पुरुषतर्फ तारा कुमार रायमाझीले फ्लाई वेट तौल (५३–५७) समूहमा सेमिफाइनलमा भारत र मेक्सिकोका खेलाडीलाई पराजित गर्दै स्वर्ण जित्न सफल भएको अमेरिकाबाट कुमार कार्कीले हाम्रो खेलकुद डटकमलाई जानकारी गराए ।

स्वर्ण जित्न सफल कुमार कार्कीले नेपाली टिमको व्यवस्थापक र टिम प्रशिक्षकमा पूर्व राष्ट्रिय खेलाडी एवम् हाल अमेरिकाको बाल्टिमोरस्थित एभरेष्ट वल्ड क्लास तेक्वान्दो एकेडेमी सञ्चालन गरिरहेका छन् । नेपाली टोली फेब्रुअरी १८ मा स्वदेश फर्कने कार्यक्रम छ ।