7 years ago
January 17, 2018
काठमाडौं (हाम्रो खेलकुद) – १३ औं संस्करणको ‘रेडबुल ढोरपाटन युएम महिला डबल लिग भलिबल’ प्रतियोगिताको सम्पूर्ण तयारी पूरा भएको आयोजकले जनाएको छ ।
आयोजक ढोरपाटन स्पोर्टस क्लबले बुधबार राजधानीमा पत्रकार सम्मेलनको आयोजना गर्दै प्रतियोगिताको सम्पूर्ण तयारी पूरा भएको जानकारी गराएको हो । प्रतियोगिता माघ ४ गतेबाट १९ गतेसम्म नयाँ बसपार्कस्थित ढोरपाटन भलिबल प्रशिक्षण केन्द्रमा हुनेछ । ढोरपाटनका अध्यक्ष मनवीर छन्त्यालले मैदान सम्याउने, ब्यानरहरु राख्ने लगायतको सम्पूर्ण कार्यहरु पुरा भएको र प्रतियोगिताको लागि अन्य तयारी पनि सकिएको बताए ।
प्रतियोगितामा विभागीय टोली सशस्त्र प्रहरी बलको एपीएफ, त्रिभुवन आर्मी, नेपाल पुलिस, न्यु डायमन्ड एकेडेमी, न्यु डायमन्ड स्पोर्ट्स क्लब, पोखराको टप्स हाई स्कुल, पूर्वाञ्चल क्षेत्रिय महिला भलिबल टोली, पारामाउन्ट हाइस्कुल, स्प्रिङडेल इङ्लिस स्कुल, श्री गाउँ स्पोर्ट्स विकास समिति, मेघौली स्पोर्ट्स फाउन्डेसन र थ्रीस्टार एकेडमी गरी १२ टोलीको सहभागिता रहने छ ।
प्रतियोगितालाई इनर्जी ड्रिङ्क रेडबुलले ३ वर्षको लागि मुख्य प्रायोजन गरेको छ । सह–प्रायोजक आइएमी अटोमोटिभ्सले पनि तीन वर्षको लागि सह–प्रायोजन गरेको छ । प्रतियोगिताको विजेताले ३ लाख २५ हजार, उपविजेताले १ लाख ७० हजार र तेस्रो हुनेले ८० हजार नगद पुरस्कार पाउने छन् । यस्तै चौथौ हुनेले ५० हजार, पाँचौंले ४० हजार, छैठौंले ३० हजार र सातौं हुने टोलीले २० हजार नगद प्राप्त गर्नेछन् ।
प्रतियोगिताको चार विधामा उत्कुष्ट खेलाडीले युएम पावरम्याक्स स्कुटर पाउने छन् । बेष्ट प्लेयर, राइजिङ प्लेयर, प्लेयर अफ दि इयर र प्लेयर अफ दि सिरिज बन्ने खेलाडीहरु स्कुटरका हकदार हुनेछन् । प्रतियोगिताका बेष्ट स्पाईकर, डिफेन्स, सेटर, सर्भर, ब्लकर, उत्कुष्ट क्वीकर र उत्कुष्ट कोचले जनही ५ हजार पुरस्कार प्राप्त गर्नेछन् । यस्तै प्रतियोगिता शुरु भएको दिनदेखि अन्तिम समयसम्म टिकट काटेर खेल हेर्न आउने दर्शक मध्ये लक्की ‘ड्र’ बाट एकजनाले पावरम्याक्स स्कुटी प्राप्त गर्नेछन् । प्रत्येक दिन एक दर्शकले लक्की ड्रबाट डाइमण्ड मोबाइल पनि पाउनेछन् ।
यसैबीच ढोरपाटन महिला डबल लिग भलिबल प्रतियोगितालाई सामाखुसी बोर्डिङ स्कुल (सेब) ले सह प्रायोजन गरेवापत सेब स्कुलका प्रिन्सिपल युवराज थापा, स्कुलकी निर्देशक मधुमाया थापाले आयोजक ढोरपाटन स्पोर्टस् क्लका अध्यक्ष मनवीर छन्त्याललाई संयुक्त रुपमा चेक हस्तान्तरण गरे । सहप्रयोजन बापत सेबले एक लाख नगद र एक लाख बराबरको खेलकुद पोसाक, ब्यानरमा खर्च गर्नेछ । सोही अवसरमा बिजी मलकी बजार प्रमुख पुजा अधिकारीले पनि छन्त्याललाई सह–प्रायोजन बापतको १ लाख १० हजार रुपैयाँको चेक हस्तान्तरण गरिन् ।
डबल लिग राउण्डमा हुने प्रतियोगिताको पहिलो दिन ६ खेल हुने आयोजकले जनाएको छ । पहिलो दिन पारामाउन्ट स्कुल र स्प्रिङडेल इंग्लिस स्कुल, शिवम् न्यु डायमण्ड एकेडेमी र न्यु डायमण्ड स्पोर्टस् क्लब, नेपाल एपीएफ क्लब र स्प्रिङडेल इंग्लिस स्कुल, त्रिभुवन आर्मी क्लब र न्यु डायमण्ड स्पोर्टस् क्लब तथा पारामाउन्ट स्कुल र थ्री स्टार एकेडेमीबीच खेल हुनेछ ।
October 5, 2024
काठमाडौं(हाम्रो खेलकुद) – कमजोर ब्याटिङले निरन्तरता पाउँदा नेपाली टोली क्यानडामा फेरि पराजित भएको छ । क्यानडामा भएको शुक्रवार भएको ५० ओभरको अभ्यास खेलमा नेपाली टोली क्यानडा हाईप्रफमेन्ससँग ३ विकेटले पराजित भएको हो । १ सय ४४ रनको सामान्य लक्ष्य क्यानडा हाइप्रफमेन्स टिमले ३६.५ ओभरमा ७ विकेट गुमाएर पूरा गर्यो । टोलीका लागि युवराज शर्माले ४४, […]
October 5, 2024
काठमाडौं (हाम्रो खेलकुद) – कर्णाली यश्विजले एभरेष्ट महिला भलिबल लिगमा अपराजित यात्रा कायम राख्दा ललितपुर क्विन्सले पनि उपाधि भिडन्तमा स्थान पक्का गरेको छ । शुक्रबार मध्यरातमा सम्पन्न लिगको अन्तिम खेलमा कर्णालीले काठमाडौं स्पाइकर्सलाई ३-१ ले पराजित गरेपछि फाइनल समिकरण तयार भएको हो । यसअघि फाइनल पुगिसकेको कर्णालीविरुद्ध काठमाडौंले फाइनल पुग्न २ सेट आफ्नो पक्षमा पारे […]
October 5, 2024
काठमाडौं (हाम्रो खेलकुद) – समाज कल्याण खेलकुद केन्द्रको आयोजनामा हुँदै आएको सुजन स्मृति ६-ए साइड फुटबल प्रतियोगिता को १५औं संस्करण कार्तिक पहिलो साता हुने भएको छ । क्लबका पुराना खेलाडी सुजन गिरीको स्मृतिमा प्रतियोगिता आयोजना हुँदै आएको छ । यस वर्ष ३२ देखि ४० टोलीको सहभागिता रहने अपेक्षा क्लबले राखेको छ । नकआउट पद्दतिमा हुने […]