कतार एयरवेज ओपन गल्फ शुक्रबार र शनिबार

काठमाडौं (हाम्रो खेलकुद) – कतार एयरवेज र गोकर्ण फरेष्ट रिसोर्टको संयुक्त आयोजनामा दोस्रो संस्करणको कतार एयरवेज खुल्ला गल्फ प्रतियोगिता यही शुक्रबार र शनिबार हुने भएको छ ।

आयोजकले मंगलबार राजधानीमा पत्रकार सम्मेलनमार्फत दुइदिने एमेच्योर गल्फ प्रतियोगिता पुस २२ र २३ गते गर्न लागेको जानकारी गराए । प्रतियोगिता गोकर्ण गल्फ क्लबमा हुनेछ । १८ होलमा स्टेबल ३-४ ह्याण्डीक्यापमा प्रतियोगिता हुनेछ ।

यस प्रतियोगितामा सबै विधाका गरी करिब ९० खेलाडीले सहभागिता जनाउने गोकर्ण गल्फ क्लबका सिनियर बिकास निर्देशक दीपक आचार्यले जानकारी गराए । प्रतियोगितामा पुरुष, महिला, ६० वर्ष भन्दा माथि र जुनियर विधा हुनेछ ।

महिला र जुनियरको स्किल परिक्षण शुक्रबार हुनेछ । प्रतियोगिताको विजेताले कतार एयरवेजको उडान भएको जुनसुकै गन्तव्यको टिकट प्राप्त गर्नेछ । यस्तै विजेता, वेष्ट ग्रसर, उपविजेता, महिला विजेता, उपविजेता, सिनियर विजेता, जुनियर विजेता, लंगेष्ट ड्राइभ, क्लोसेट टु दि पिन र मोष्ट वर्डिजले आकर्षक गिफ्ट ह्याम्पर प्राप्त गर्नेछ ।