धनगढी

– ड्ड फाईनलमा मोहन्याल निमावि सोझो सेटमा पराजित

– ड्ड टीकापुर वहुमुखी क्याम्पस तेस्रो स्थान हासिल गर्न सफल

धनगढीमा भएको कैलाली जिल्ला स्तरीय अन्तर क्याम्पस महिला भलिवल प्रतियोगिताको फाईनलमा मोहन्याल निमाविलाई सोझो सेटमा हराउँदै सुदुरपश्चिमाञ्चल एकेडेमीले उपाधिमाथि कव्जा जमाएको छ ।

एकेडेमीले मोहन्यालाई २५–२१, २५–१५ र २५–२२ को सेटमा हराएको हो । विजेता सुदुरपश्चिमाञ्चल एकेडेमीले नगद २५ हजार सहत ट्रफी पायो भने उप विजेता भएको मोहन्यालले नगद १५ हजार सहित ट्रफी हात पा¥यो । आज विहान नै भएको पहिलो सेमिफाईनलमा मोहन्यालले टीकापुर वहुमुखी क्याम्पसलाई र दोस्रो सेमिफाईनलमा सुदुरपश्चिमाञ्चलले चन्द्रोदयलाई किनारा लगाएका थिए ।

सेमिफाईनलमा पराजित भएका टीकापुर वहुमुखी क्याम्पसले तेस्रो स्थान हात पारेको छ । सेमिफाईनलमै पराजित चन्द्रोदयलाई हराउँदै टीकापुरले नगद १० हजार सहित ट्रफी हात पारेको छ । कैलाली जिल्ला भलिवल संघको आयोजनामा भएको प्रंतियोगिताका विजयी खेलाडीहरुलाई एक समारोहका वीचमा पुरस्कार वितरण गरिएको छ ।

कैलाली जिल्ला भलिवल संघका अध्यक्ष नारायणदत्त भट्टको अध्यक्षतामा भएको कार्यक्रममका प्रमुख अतिथि धनगढी उप महानगरपालिकाका निमित्त कार्यकारी अधिकृत डिल्लीराज ओझा रहनुभएको थियो भने विशिष्ठ अतिथि कैलाली जिल्ला खेलकुद विकास समितीका अध्यक्ष दिपक सिंह रहनुभएको थियो ।