7 years ago
October 29, 2017
काठमाडौं (हाम्रो खेलकुद) – नयाँ नैकापको शिवम् न्यू डायमण्ड एकेडेमी राजधानीमा आजबाट शुरु भएको प्रथम प्याब्सन यू–१८ महिला तथा पुरुष भलिबल प्रतियोगिताको प्रि–क्वार्टरफाइनलमा पुगेको छ ।
नयाँ बसपार्कस्थित ढोरपाटन स्पोर्टस् क्लबको खेल मैदानमा आइतबारबाट शुरु भएको खेलमा शिवम् न्यू डायमण्ड एकेडेमीले महोत्तरीको भानुभक्त मेमोरियल बोर्डिङ स्कुललाई २–० को सोझो सेटमा हराउँदै समूह विजेताका रुपमा अन्तिम १६ मा पुगेको हो ।
राष्ट्रिय महिला भलिबल टिमका दुई खेलाडी प्रतिभा माली र कृपा अधिकारीसहित मैदान उत्रिएको डायमण्डले भानुभक्तलाई २५–१० , २५–७ ले हरायो । भानुभक्त समूह उपविजेताको रुपमा प्रि–क्वार्टर फाइनलमा पुग्न सफल भयो । महिलातर्फ तीन खेल हुने भनिएपनि समय अभावका कारण एक खेल मात्र हुन सकेको थियो । प्रतियोगितामा महिलातर्फ १६ टिमको सहभागिता रहेको छ । १६ टिमलाई आठ समूहमा विभाजन गरिएको छ ।
यस्तै पुरुषतर्फको खेलमा सेक्रेट हर्ट एकेडेमी काठमाडौं, बुङताङ भलिबल टिम नुवाकोट, नेपाल विद्यालय भलिबल कमिसन मोरङ, थ्रीस्टार एकेडेमी काठमाडौं, आरुनी स्कुल काठमाडौं र सुर्खेत जिल्ला भलिबल एसोसिएसनले सफलता हात पारे । सेक्रेट हार्टले गुराँसे भुमि युवा क्लब बाग्लुङलाई २५–२३ र २५–१३ ले पराजित ग¥यो ।
अर्को खेलमा बुङताङ भलिबल टिमले नेपाल विद्यालय भलिबल कमिसन झापालाई २२–२५, २५–२१ र २५–१४ ले पराजित ग¥यो । नेपाल विद्यालय भलिबल कमिसन मोरङले नमुना इंग्लिस स्कुललाई २५–१२ र २५–२० को सोझो सेटमा पराजित ग¥यो । थ्रीस्टार एकेडेमीले हिमचुली एकेडेमीलाई २५–७ र २५–११ ले पराजित ग¥यो ।
अर्को खेलमा आरुनी स्कुलले जिल्ला भलिबल संघ गुल्मीलाई २५–१५ र २५–२१ को रोमाञ्चक सेटमा पराजित ग¥यो । दिनको अन्तिम खेलमा सुर्खेत जिल्ला भलिबल संघले एन्जल हर्ट हाई स्कुललाई २५–१५ र २५–१३ को सोझो सेटमा पराजित गर्न सफल भयो ।
प्रतियोगितामा पुरुषतर्फ २३ टिमको सहभागिता रहेको छ । हरेक समूहका हरेक समूहका विजेतार उपविजेता प्रि–क्वार्टर फाइनलमा प्रवेश गर्नेछन् । प्रतियोगिताको उद्घाटन युवा तथा खेलकुद मन्त्री राजेन्द्र कुमार केसी ९राजन०, खेलकुद राज्यमन्त्री टि एल चौधरीले गरेका थिए ।
उद्घाटन समारोहमा नेपाल भलिबल संघका अध्यक्ष मनोरञ्जनरमण शर्मा, महासचिव जितेन्द्र बहादुर चन्द, विद्यालय भलिबल कमिसनका अध्यक्ष रामबहादुर केसीलगायतको उपस्थिति थियो । प्रतियोगिता कात्तिक १९ गतेसम्म चल्नेछ ।
September 27, 2024
एजेन्सी – तीन ब्याटरको शतकमा श्रीलंकाले न्युजिल्यान्डविरुद्धको दोस्रो टेस्टको पहिलो इनिङमा विशाल योगफल तयार गरेको छ । दुई टेस्ट सिरिजका लागि न्युजिल्यान्ड श्रीलंका भ्रमणमा छ । पहिलो खेल ६३ रनले जित्दै घरेलु टोलीले सिरिजमा १-० को अग्रता बनाएको छ । गालेमा टस जितेर ब्याटिङको सुरुवात गरेको घरेलु टोलीले पहिलो इनिङ ५ विकेट गुमाएर ६ सय […]
September 27, 2024
काठमाडौं(हाम्रो खेलकुद) – विभागीय टोली त्रिभुवन आर्मी फुटबल क्लबले एन्फा महिला लिगको पहिलो चरणको सुखद अन्त्य गरेको छ । एन्फा कम्प्लेक्स सातदोबाटोमा शुक्रवार भएको पहिलो चरणको लिगको आफ्नो अन्तिम खेलमा आर्मीले कर्णाली प्रदेशमाथि ५-० को सहज जित हासिल गर्यो । आर्मीको जितमा चन्द्रा भन्डारी, अमिषा कार्की, विमला चौधरी, दिपा राई र दिपा शाहीले गोल गरे […]
September 27, 2024
काठमाडौं(हाम्रो खेलकुद) – रश्मी कुमारी घिसिङको ४ गोलको मद्दतमा विभागीय टोली नेपाल एपिएफ फुटबल क्लबले एन्फा महिला लिगको पहिलो चरणमा सुखद अन्त्य गरेको छ । एपिएफ पहिलो चरणको लिगको शीर्ष स्थानमा रहेन क्रममा अपराजित रह्यो । खेलेको ९ मध्ये ८ खेलमा जित निकालेको एपीएफले पहिलो खेलमा अर्को विभागीय टोली नेपाल पुलिस क्लबसँग बराबरीमा खेलेको थियो […]