default_image

8 years ago

September 28, 2017

माल्दिभ्सबाट फर्के लगत्तै भलिबल खेलाडी मानबहादुर हङकङ पुगे

197 views

0 Bookmark

काठमाडौं (हाम्रो खेलकुद)– नेपाली राष्ट्रिय भलिबल टोलीका सदस्य मानबहादुर श्रेष्ठले यसपटकको दशै हङकङमा बित्ने भएको छ । उनी घान्द्रुक समाजको निमन्त्रणामा भलिबल खेल्न आज हङकङ पुगेका छन् । हरेक वर्ष त्यहाँ नेपाली समुदायकाबीच भलिबल प्रतियोगिता हुँदै आएको छ ।

Man Bahadur

हरेक जस्तो हङकङबाट नेपालीका एक खेलाडीलाई बोलाउने परम्परा अनुसार यसपटक आफुलाई बोलाइएको मानबहादुरले बताएका थिए । उनलाई हङकङमा आयोजकका प्रतिनिधिले स्वागत गरेका थिए । उनी त्यहाँ झन्डै दुई साता रहनेछन् । मानबहादुर हिजोमात्र माल्दिसबाट फर्केका थिए । माल्दिसको माल्सन स्पोर्टस क्लबबाट एसोसियन कप भलिबल च्याम्पियनसिप खेल्न उनी त्यहाँ पुगेका थिए ।

उनको पहिलो व्यावसायिक यात्रा मिश्रित खालको रह्यो । उनको टोली च्याम्पियनसिपको पहिलो चरणबाट बाहिरिएको थियो । यद्दपी उनले यो यात्रामा धेरै सिक्ने अवसर मिलेको हाम्रो खेलकुद डट कमसँग अनुभव साटेका थिए । सुरुआतमा माल्दिभ्स पुलिस क्लब र सिलाइक क्लबसँग पराजित भएको उनको टोलीले अन्तिम खेल जितेको थियो । त्यो खेलमा मानबहादुर म्यान अफ दी म्याच बनेका थिए ।

प्रतियोगितामा भाग लिने हरेक टोलीले एक अन्तर्राष्ट्रिय खेलाडी राख्न पाउने प्रावधानअनुरुप मानबहादुरले यो अवसर पाएका थिए । गत वर्ष माल्दिभ्समा एसियन सेन्ट्रल जोन भलिबल च्याम्पियनसिपमा उनको प्रदर्शन देखेर प्रभावित भएपछि माल्सनले आफुलाई बोलाएको उनले सुनाएका थिए । गत वर्षको च्याम्पियनसिपमा नेपालले पहिलो पटक अन्तर्राष्ट्रिय पदक जित्दा उनले उत्कृष्ट दोस्रो आउटसाइड अट्याकरको उपाधि जितेका थिए ।

उनले माल्सनबाट प्रतियोगिताभरका लागि एक हजार अमेरिकी डलर पाएका थिए । ‘क्लबबाट खेल्ने पुरुष खेलाडीमा म पहिलो भएको छु’ उनले भनेका थिए, ‘यसले भविष्यमा अन्य खेलाडीका लागि पनि ढोका खोल्न सक्ने भन्ने आशा लागेको छ ।’

पुरुषतर्फ उनी पहिलो भएपनि माल्दिभ्सबाट लिग भलिबल खेल्ने महिला खेलाडीको सुचि भने अलिक लामो छ । अहिले सम्म राष्ट्रिय टोलीका कोपिला उप्रेती, अरुणा शाही, प्रतिभा माली, मन्जु गुरुङलगायतले माल्दिभ्सबाट व्यावसायिक रुपमा खेलिसकेका छन् ।

April 3, 2025

एरिकासहितले अस्ट्रेलियन ओपन कराते खेल्ने

काठमाडौं हाम्रो खेलकुद)- अस्ट्रेलियन ओपन कराते च्याम्पियनसिपमा सहभागी हुन ५ खेलाडीसहित ९ सदस्यीय नेपाली टोली बुधबार अस्ट्रेलियाको सिड्नी प्रस्थान गरेकि छ । शुक्रवारदेखि आइतवारसम्म हुने प्रतियोगितामा ४ महिला र १ पुरुष खेलाडीले नेपालको चुनौती प्रस्तुत गर्ने छन् । महिला ५० केजीमुनि वर्षा बुढा मगर, ५५ केजीमुनि पुष्पका लामा, ६८ केजीमाथि एसियाली खेलकुदकी रजत पदक विजेता […]

April 2, 2025

बेंगलुरुमाथि गुजरातको जित

एजेन्सी – गुजरात टाइटन्सले इण्डियन प्रिमियर लिग (आइपिएल) मा रोयल च्यालेन्जर्स बेंगलुरुलाई पराजित गरेको छ । बेंगलुरुको घरेलु मैदानमा बुधवार गुजरात ८ विकेटले विजयी भएको हो । बेंगलुरुले दिएको १ सय ७० रनको लक्ष्य गुजरातले १७.५ ओभरमा २ विकेट गुमाएर पूरा गर्यो । गुजरातको लगातार दोस्रो जितमा जोस बटलरले अविजित रहँदै सर्वाधिक ७३ रन जोडे […]

April 2, 2025

गुजरातविरुद्ध बेंगलुरुको प्रतिस्पर्धात्मक योगफल

एजेन्सी – इण्डियन प्रिमियर लिग (आइपिएल) मा रोयल च्यालेन्जर्स बेंगलुरुले गुजरात टाइटन्सविरुद्ध प्रतिस्पर्धात्मक योगफल तयार गरेको छ । एम चेन्नास्वामी अन्तर्राष्ट्रिय क्रिकेट स्टेडियममा टस हारेर ब्याटिङको निम्तो पाएको घरेलु टोली बेंगलुरुले निर्धारित २० ओभरमा ८ विकेट गुमाएर १ सय ६९ रन बनाएको छ। बेंगलुरुका लागि लियम लिभिङ्स्टोनले ४० बलमा १ चौका र ५ छक्काको सहयोगमा […]

Success

Thank you for your time.