8 years ago
September 23, 2017
काठमाडौं (हाम्रो खेलकुद) – आगामी कात्तिक १२ गतेदेखि राजधानीमा आयोजना हुने यू–१८ महिला तथा पुरुष राष्ट्रिय भलिबल प्रतियोगितालाई निजी तथा आवासीय विद्यालय अर्गनाइजेसन (प्याब्सन) ले मुख्य प्रायोजन गरेको छ ।
नेपाल विद्यालय भलिबल कमिसनको आयोजनामा कात्तिक १८ गतेसम्म सञ्चालन हुने प्रतियोगिताका लागि प्याब्सनले ५ लाख रुपैयाँ प्रायोजन गरेको छ । शनिबार नक्सालस्थित होटल क्राउन प्लाजामा आयोजित कार्यक्रममा प्याब्सनका अध्यक्ष विजय सम्बाहाम्फे र नेपाल विद्यालय भलिबल कमिसनका अध्यक्ष रामबहादुर केसीले प्रायोजन सम्झौतामा हस्ताक्षर गरे ।
प्याब्सन अध्यक्ष सम्बाहाम्फेले राष्ट्रिय खेल भलिबलको विकास विद्यालय तहबाटै गर्न कमिसनले उमेर समूहको प्रतियोगिता आयोजना गर्न लागेकोमा खुसी व्यक्त गरे । उनले भलिबलको विकास र विस्तारका लागि आगामी दिनमा पनि सहकार्य गर्न तयार रहेको बताए ।
नेपाल विद्यालय भलिबल कमिसनका अध्यक्ष रामबहादुर केसीले भलिबल खेलको विकासका लागि देशभरका विद्यालयसँग सहकार्य गरेर अगाडि बढ्न लागेको बताए । नयाँ बसपार्कमा आयोजना हुने प्रतियोगितामा १२ पुरुष र आठ महिला टोलीको सहभागिता रहने छ । प्रतियोगिताका विजेता टोलीले एक लाख, उपविजेताले ६० हजार र तेस्रो स्थान हासिल गर्ने टोलीले ३५ हजार रुपैयाँ नगद पुरस्कार प्राप्त गर्ने कमिसनका अध्यक्ष केसीले जानकारी दिए । प्रतियोगिताको उत्कृष्ट खेलाडीले नगद पाँच हजार पुरस्कार प्राप्त गर्नेछन् भने विधागत उत्कृष्टतर्फ बेस्ट स्पाइकर, सेटर, ब्लकर, सर्भर र डिफेन्सले तीन हजार रुपैयाँ प्राप्त गर्नेछन् । प्रतियोगिता सञ्चालनका लागि १३ लाख ५० हजार रुपैयाँ खर्च हुने अनुमान कमिसनको छ ।
कार्यक्रममा नेपाल भलिबल संघका अध्यक्ष मनोरञ्जनरमन शर्मा, उपाध्यक्ष रञ्जन खड्का, महासचिव जितेन्द्रबहादुर चन्द, प्याब्सनका वरिष्ठ उपाध्यक्ष डीके ढुंगानालगायतको उपस्थिति रहेको थियो ।
न्यु डायमन्ड एकेडेमीका प्रधानाध्यापक एवं भलिबल प्रशिक्षक कुमार राई शनिबार सम्मानित भएका छन् । भलिबललाई राष्ट्रिय खेल बनाउन र उदयीमान नवप्रतिभावान खेलाडी उत्पादनमा पु¥याएको योगदानको कदर गर्दै राईलाई नयाँ नैकापमा अवस्थित तपाई हाम्रो बहुउद्देशीय सहकारी संस्थाले सम्मान गरेको हो ।
नैकापस्थित संस्थाको कार्यालयमा आयोजित कार्यक्रममा तपाई हाम्रो बहुउद्देशीय सहकारी संस्थाका अध्यक्ष मनोजकुमार थापामगर र सल्लाहकार खोमराज खरेलले राईलाई सम्मानपत्रबाट सम्मान गरे । कार्यक्रममा हाल नेदरल्यान्ड्समा रहेकी राष्ट्रिय भलिबल खेलाडी प्रतिभा माली र न्यु डायमन्ड स्पोर्टस् क्लबलाई पनि सम्मान गरिएको थियो ।
April 3, 2025
काठमाडौं हाम्रो खेलकुद)- अस्ट्रेलियन ओपन कराते च्याम्पियनसिपमा सहभागी हुन ५ खेलाडीसहित ९ सदस्यीय नेपाली टोली बुधबार अस्ट्रेलियाको सिड्नी प्रस्थान गरेकि छ । शुक्रवारदेखि आइतवारसम्म हुने प्रतियोगितामा ४ महिला र १ पुरुष खेलाडीले नेपालको चुनौती प्रस्तुत गर्ने छन् । महिला ५० केजीमुनि वर्षा बुढा मगर, ५५ केजीमुनि पुष्पका लामा, ६८ केजीमाथि एसियाली खेलकुदकी रजत पदक विजेता […]
April 2, 2025
एजेन्सी – गुजरात टाइटन्सले इण्डियन प्रिमियर लिग (आइपिएल) मा रोयल च्यालेन्जर्स बेंगलुरुलाई पराजित गरेको छ । बेंगलुरुको घरेलु मैदानमा बुधवार गुजरात ८ विकेटले विजयी भएको हो । बेंगलुरुले दिएको १ सय ७० रनको लक्ष्य गुजरातले १७.५ ओभरमा २ विकेट गुमाएर पूरा गर्यो । गुजरातको लगातार दोस्रो जितमा जोस बटलरले अविजित रहँदै सर्वाधिक ७३ रन जोडे […]
April 2, 2025
एजेन्सी – इण्डियन प्रिमियर लिग (आइपिएल) मा रोयल च्यालेन्जर्स बेंगलुरुले गुजरात टाइटन्सविरुद्ध प्रतिस्पर्धात्मक योगफल तयार गरेको छ । एम चेन्नास्वामी अन्तर्राष्ट्रिय क्रिकेट स्टेडियममा टस हारेर ब्याटिङको निम्तो पाएको घरेलु टोली बेंगलुरुले निर्धारित २० ओभरमा ८ विकेट गुमाएर १ सय ६९ रन बनाएको छ। बेंगलुरुका लागि लियम लिभिङ्स्टोनले ४० बलमा १ चौका र ५ छक्काको सहयोगमा […]