default_image

8 years ago

June 8, 2017

एपिएफ र न्यू डायमन्ड महिला भलिबल उपाधिका लागि भिड्ने

105 views

0 Bookmark

काठमाडौं (हाम्रो खेलकुद) – नेपाल एपिएफ क्लब र न्यू डायमन्ड एकेडेमी केएनपी राष्ट्रिय महिला भलिबल प्रतियोगिताको उपाधिका लागि भिड्ने भएका छन् । प्रतियोगितामा यी दुई टोली अपराजित रहँदै फाइनल पुगेका हुन् ।


राष्ट्रिय खेलकुद परिषद् (राखेप) को कभर्ड हलमा जारी प्रतियोगितामा बिहिबार साविक विजेता समेत रहेको एपिएफले अर्को विभागिय टोली नेपाल पुलिस क्लब तथा न्यू डायमन्डले पश्चिमाञ्चललाई समान ३–० ले हराउँदै एकअर्कासँगको फाइनल भेट पक्का गरेका हुन् । फाइनल र तेस्रो स्थानको खेल शुक्रबार हुनेछ ।

पुलिसविरुद्ध एकतर्फ रुपमा हावी देखिएको एपिएफले एपिएफले २५–११, २५–२० र २५–१६ को जित प्राप्त गरेको थियो । टोलीको जितमा सरस्वती चौधरीले ४४ स्पाइकबाट २१ र सर्भिसबाट ४ अंक बटुलेकी थिइन् । त्यस्तै नेविका चौधरीले ३५ स्पाइकबाट १५ अंक जोडिन् भने उषा विष्टले स्पाइकबाट ४ र ब्लकबाट २ अंक थपिन् । पुलिसका लागि कोपिला उप्रेतीले स्पाइकबाट ११ र सर्भिसबाट १ अंक जोडिन् ।

अर्को सेमिफाइनलको पहिलो सेटमा कडा टक्कर दिएपनि पश्चिमाञ्चल दोस्रो र तेस्रो सेटमा भने कमजोर बनेको थियो । खेलमा न्यू डायमन्डले २५–२२, २५–९ र २५–१४ ले सहजै आफ्नो पक्षमा पारेको थियो । टोलीमा सधैजसो प्रतिभा मालीको भूमिका महत्वपूर्ण रुह्यो । उनले ६६ स्पाईक प्रहार गर्दा ३८ अंक बटुलिन् । सेटर कृपा अधिकारीले सर्भिसबाट ७ अंक जोडिन् ।

पश्चिमाञ्चलकी कप्तान मञ्जु गुरुङ र अरुणा शाहीले उत्कृष्ट प्रदर्शन गर्नाका वावजुद टोलीको हार टार्न सकेनन् । मञ्जुले ३४ सटबाट ७ र सर्भिसबाट २ अंक जोडिन् । अरुणाले ४४ सट प्रहार गर्दै ७ अंक र सर्भिसबाट १ अंक बटुलिन ।

यसैबीच, गौरी शंकर हिमालयन कार्पेटका कार्यकारी निर्देशक दावा तामाङले प्रतियोगिताको तेश्रो पुरस्कार ५० हजार रुपैयाँ प्रायोजन गरेका छन् । तुलसी भक्त कन्ट्रक्सनका प्रबन्ध निर्देशक नवराज श्रेष्ठले २५ हजार रुपैयाँ प्रतियोतिगामा सहगोग गरेका छन् ।

प्यारागन ट्राभल्स एण्ड टुर्सका कार्यकारी निर्देशक प्रकाश सिंह कार्कीले शेरवहादुर खड्का स्पेशल अवार्डबाट सम्मानीत हुने खेलाडिलाई माउण्टेन फ्लाईटको टिकट प्रायोजन गेको छ ।

प्रतियोगिताको विजेताले १ लाख ५० हजार, दोस्रो हुने टोलीले १ लाख र तेस्रो हुने टोलीले ५० हजार रुपैयाँ प्राप्त गर्नेछन् । प्रतियोगिताको सर्वोत्कृष्ट खेलाडीले पनि १५ हजार रुपैयाँ पाउनेछिन् । विधागत उत्कृष्टतर्फ उत्कृष्ट स्पाइकर, उत्कृष्ट क्विकर, उत्कृष्ट सेटर, उत्कृष्ट ब्लकर, उत्कृष्ट डिफेन्स, उत्कृष्ट सर्भर र उत्कृष्ट प्रशिक्षकले समान ३ हजार रुपैयाँ पाउनेछन् ।

न्यू डायमन्ड एकेडेमीको टोली ।

March 17, 2025

मधेशविरुद्ध लुम्बिनीको मध्यम योगफल

काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]

March 17, 2025

सुदूरपश्चिमविरुद्ध पुलिसको मध्यम योगफल

काठमाडौं(हाम्रो खेलकुद) – साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा सुदूरपश्चिम प्रदेश मधयम योगफल तयार गरेको छ । रुपेन्देहीमा जारी खेलमा सुदूरपश्चिमविरुद्ध पुलिस १ सय ६० रनको योगफलमा समेटिएको हो । सिद्धार्थनगर क्रिकेट मैदानमा टस जितेर पहिले ब्याटिङ गरेको पुलिस ४७ ओभरमा १ सय ६० रनको योगफलमा समेटिएको हो । पुलिसका […]

March 17, 2025

आर्मीविरुद्ध एपिएफको सामान्य लक्ष्य

काठमाडौं(हाम्रो खेलकुद) – नेपाल एपिएफ क्लबले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा त्रिभुवन आर्मी क्लबलाई जितका लागि सामान्य लक्ष्य दिएको छ । भैरहवामा जारी खेलमा एपिएफले आर्मीलाई जितका लागि १ सय ४२ रनको लक्ष्य दिएको हो । एक्स्ट्रा टेक ओभलमा टस हारेर ब्याटिङको निम्तो पाएको एपिएफ ४२.३ ओभरमा १ सय ४१ रनमा अल आउट भयो […]

Success

Thank you for your time.