7 years ago
June 5, 2017
काठमाडौं (हाम्रो खेलकुद)– शेरबहादुर खड्का स्मृति प्रतिष्ठानले तीन जना महिला खेलाडीलाई छात्रबृति स्वरुप नगद प्रदान गरेको छ । प्रतिष्ठानको आयोजनामा केएनपी राष्ट्रिय महिला भलिबल प्रतियोगिता सुरु हुने एक दिन अघि सोमबार खेलाडीलाई नगद वितरण गरेको हो । छात्रबृति पाउनेमा प्रतिभा माली, अरुणा शाही र कृपा अधिकारी छन् ।
क्राउन प्लाजा होटलमा महिला प्रतियोगिताअन्तर्गत टेक्निकल मिटिङका दौरान प्रतिष्ठानका अध्यक्ष रञ्जन खड्का, आइएमई रेमिटका प्रमुख कार्यकारी अधिकृत सुमन पोखरेल र नेपाल भलिबल संघका उपाध्यक्ष यामबहादुर गुरुङले खेलाडीहरुलाई छात्रवृत्ति रकम हस्तान्तरण गरे ।
प्रतिभा माली र अरुणा शाहीलाई गत आर्थिक वर्षदेखि २ वर्षका लागि र कृपालाई यो आर्थिक बर्षदेखि २ बर्षका लागि छात्रबृति दिइएको प्रतिष्ठानले जनाएको छ । उनीहरुले मासिक २ हजार रुपैयाँ पाएका छन् ।
यसैबीच, टेक्निकल मिटिङले नेपाल भलिबल संघका सचिव जगदिश भट्टको संयोजकत्वमा तीन सदस्यीय जुरी कमिटी गठन गरिएको छ । कमिटीको सदस्यमा संघकी कोषाध्यक्ष सुनकेसरी माली र अन्तर्राष्ट्रिय रेफ्री क्यान्डिडेट चन्द्रबदना राई छन् । यस्तै विधागत उत्कृष्ट खेलाडी चयनका लागि भीआईएसमा अर्जुन घिमिरे र प्रज्वलबहादुर सिंहलाई चयन गरिउको छ ।
November 24, 2024
काठमाडौं (हाम्रो खेलकुद) – विभागिय टोली त्रिभुवन आर्मी क्लबका अपोजिट स्पाइकर धनबहादुर भट्टले टिप टप हेल्प नेपाल स्पोर्ट्स क्लबबाट सेन्ट्रल एसियन (काभा) पुरुष अन्तर्राष्ट्रिय क्लब भलिबल च्याम्पियनसिप २०२४ खेल्ने भएका छन् । यसै महिना नेपालमा हुने काभा क्लब च्याम्पियनसिप भलिबल प्रतियोगिताको लागि हेल्प नेपालले धनबहादुरलाई टोलीमा भित्र्याएको आफ्नो सामजिक सन्जालमार्फत आइतवार जानकारी दिएको छ । […]
November 24, 2024
एजेन्सी – स्पेनिस ला लिगाको शीर्ष स्थानमा रहेको बार्सिलोना बराबरीमा रोकिएको छ । आइतवार बिहान भएको खेलमा बार्सिलोना सेल्टा डि भिगोसँग २-२ को बराबरीमा रोकिएको हो । घरेलु मैदान बालाइडोस स्टेडियममा भएको खेलमा सेल्टाको लागि ह्युगो अल्भारेज र अल्फोन गोन्जालेजले गोल गरे पाहुना टोलीका लागि भने राफिन्हा र रोबर्ट लेवान्डोस्कीले गोल गरेका थिए । खेलको […]
November 24, 2024
एजेन्सी – टोटेनहम हटस्परले इंग्लिस प्रिमियर लिगमा साविक विजेता म्यानचेस्टर सिटीमाथि सानदार जित दर्ता गरेको छ । टोटेनहमले सिटीलाई उसकै घरेलु मैदानमा ४–० को लज्जास्पद हार चखाएको हो । इतिहाद स्टेडियममा शनिबार राति भएको खेलमा टोटेनहमलाई जिताउन जेम्स म्याडिसनले दुई तथा पेड्रो पोरो र ब्रेनन जोन्सनले समान एक गोल गरे । पहिलो र दोस्रो हाफमा […]
