काठमाडौं (हाम्रो खेलकुद) – न्यु डायमण्ड एकेडेमी र नेपाल एपिएफ क्लब राजधानीमा जारी आरबीबी– तेस्रो एनभीए क्लब लिग भलिबल प्रतियोगिताको महिलातर्फ उपाधिका लागि भिड्ने भएका छन् ।

न्यु डाइमन्ड र एपिएफले दुवैले एक खेल अगावै फाइनलमा स्थान पक्का गरेका हुन् । लिग चरणको अन्तिम खेल यी दुई टोलीबीच आइतबार हुँदैछ । तर, यो नतिजाले फाइनल भिडन्तमा कुनै असर गर्नेछैन ।

शनिबार भएको महिलातर्फको खेलमा न्यु डायमन्डले जाउलाखेल भलिबल प्रशिक्षण केन्द्रलाई २५–५, २५–८ र २५–२ ले सहजै पराजित ग¥यो । महिलामै नेपाल पुलिस क्लबले पश्चिमाञ्चल क्षेत्रिय भलिबललाई १७–२५, २५–१८, २५–२१ र २५–२० ले हराएपनि दुवै उपाधि दौडबाट बाहिरिए । आर्मी र जाउलाखेल क्लबको पनि उपाधि यात्रा समाप्त भएको छ ।

त्यस्तै नेपाल पुलिस क्लब पुरुषतर्फको फाइनलमा प्रवेश गरेको छ । शनिबार हेल्प स्पोट्र्स क्लबविरुद्धको महत्वपुर्ण खेल ३–१ को सेटमा आफ्नो पक्षमा पारेपछि अपराजित रहँदै पुलिस फाइनलमा प्रवेश गरेको हो । पुलिसले हेल्प नेपालमाथि २५–२३, १९–२५, २५–१६ र ३०–२८ को रोमाञ्चक जित निकाल्यो ।

अब फाइनलमा पुग्ने दोस्रो टिमको छिनोफानो भने आइतबार हुने आर्मी र हेल्प नेपालबीचको विजेताबाट तय हुनेछ । अन्य खेलमा पश्चिमाञ्चल र मनिमुकुन्द विजयी भए । पश्चिमाञ्चलले जाउलाखेललाई २५–१३, २५–१५ र २५–१६ को सोझो सेटमा हरायो । मनिमुकुन्दले ढोरपाटनलाई २५–१७, २८–२६ र २५–१२ को सोझो सेटमा पराजित ग¥यो ।