काठमाडौं (हाम्रो खेलकुद)– त्रिभुवन आर्मी क्लब र दिप्सन फुड्स जापान चौथो नयाँ बजार कप राष्ट्रिय खुला पुरुष भलिबल प्रतियोगिता उपाधिका लागि भिड्ने भएका छन् । नयाँबजारस्थित टाउनप्लानिङमा शुक्रबार पहिलो सेमिफाइनलमा आर्मीले विभागिय प्रतिद्वन्द्वि नेपाल एपिएफ क्लबलाई र दिप्सन फुड्सले अर्को विभागिय टोली नेपाल पुलिस क्लबलाई समान ३–० ले हराएर एकअर्कासँगको भेट पक्का गरेका हुन् ।

आर्मीले एपिएफलाई २५–१४, २५–१२ र २५–२३ ले तथा दिप्सन फुड्सले पुलिसलाई २५–१८,३३–३१,२५–१९ ले हराएको थियो । दिप्सन फुड्सले पुलिससँग गत वर्ष फाइनलमा बेहोरेको हारको बदला यसपटक सेमिफाइनलमै लिएको छ । बिहिबार साविक विजेता पुलिस समूह ‘क’ बाट अपराजित रहदै सेमिफाइनलमा पुगेको थियो । अर्को विभागिय टोली आर्मी समूह ‘ख’ को विजेताका रुपमा अन्तिम चारमा पुगिेको थियो । समूह ‘क’बाट एपिएफ र समूह ‘क’ बाट एपिएफ र समूह ‘समूह ‘ख’ बाट दिप्सन फुड्स उपविजेताका रुपमा अघि बढेका थिए ।
शनिबार हुने फाइनलको विजेताले उपाधिसहित १ लाख ७५ हजार एक सय ११ तथा दोस्रो हुने टोलीले ९० हजार १ सय ११ रुपैयाँ प्राप्त गर्नेछ । त्यस्तै तेस्रो टोलीले ५१ हजार १ सय ११ र चौथो हुने टोलीले २५ हजार १ सय ११ रुपैयाँ पाउनेछ । प्रतियोगिताको उत्कृष्ट खेलाडीले आकर्षक ट्रफी प्राप्त गर्नेछन् भने विधागततर्फ वेस्ट स्पाइकर,सर्भर, ब्लकर, डिफेन्स, सेटर, क्वीकर र वेस्ट कोचलाई पनि आकर्षक ट्रफीबाट पुरस्कृत गरिने बताइएको छ ।