8 years ago
April 4, 2017
काठमाडौं (हाम्रो खेलकुद) – झन्डै एकदशक देखि चल्दै आएको नेपाल ओलम्पिक कमिटी (एनओसी) को विवाद समाधान भन्दा पनि थप जटिल बन्दै जाने संकेत देखिएको छ । अन्तर्राष्ट्रिय ओलम्पिक कमिटी (आइओसी) र ओलम्पिक काउन्सिल अफ एसिया (ओसिए) ले गत साता पत्रमार्फत जीवनराम श्रेष्ठ अध्यक्ष र लामा टेन्डी शेर्पा महासचिव रहेको एनओसीलाई नै आफ्नो मान्यता रहेको प्रष्ट पारेपनि राष्ट्रिय मान्यता प्राप्त रुक्म शम्सेर राणा नेतृत्वको एनओसीले त्यसलाई अस्वीकार गरेको छ । उल्टो आफ्नो पक्षलाई पनि सम्बोधन गरेको भन्दै राणा पक्षले आइओसी र ओसिएले आफुहरुलाई मान्यता दिने विश्वास व्यक्त गरेको छ ।
राणा पक्षले मंगलबार सातदोबाटोस्थित एनओसी भवनमा पत्रकार सम्मेलन गर्दै पछिल्लो सात बर्षमा पहिलो भवनमा बस्न सफल भएकाले आउने दिनमा मान्यता पनि प्राप्त गर्ने दाबी गरेको छ । सर्वोच्च अदालतबाट २०६८ आफ्नो पक्षमा फैसला सुनाएदेखि नै त्यसको कार्यान्वयनमा सक्रिय रहेका राणा नेतृत्वको एनओसीका कार्यवहाक अध्यक्ष किशोरबहादुर सिंहले भने,‘हामी यो भवनमा आएर दैनिक कार्यसञ्चालन गर्छौ भन्ने कसले सोचेको थियो । तर हामी आज यहाँ आइपुगेका छौं । भविष्यमा आइओसी र ओसिएबाट पनि मान्यता पाउनेमा हामी विश्वस्त छौं ।’
राणा एनओसीका सदस्य विजेन्द्र हमालले सर्वोच्चको निर्णय मान्न आइओसी र ओसिए बाध्य हुने बताए । ‘हाम्रो देश कहिल्यै उपनिवेश रहेन ’ उनले भने, ‘ त्यसले हामी आइओसी र ओसिएको उपनिवेशन बन्दैनौं । सर्वोच्चको निर्णयमान्न आइओसी र ओसिए बाध्य हुनेछन् ।’
हमालले एनओसीको विषयलाई युवा तथा खेलकुद मन्त्री दलजित श्रीपाली र राष्ट्रिय खेलकुद परिषद् (राखेप)का सदस्य सचिव केशवकुमार विष्टले भलिबल बनाएको आरोप लगाए । ‘सात दिनमा विवाद समाधानका लागि मन्त्रीले सदस्य सचिवलाई पत्राचार गरे । सदस्य सचिवले केही विषय प्रष्ट पार्न भन्दै पुनः मन्त्रीलाई पत्र पठाए ’ उनले थपे, ‘मन्त्रीले जस्ताको तस्तै फेरी सदस्य सचिवलाई पठाएका छन् । हामी अनुरोध गर्न चाहन्छौं यसलाई भलिबल नबाइयोस् ।’
नेकपा एमालेको खेलकुद विभागको कार्यवहाक अध्यक्ष रुपमा कार्यक्रममा बोलेका पिताम्बर तिम्सिनाले खेलकुद पत्रकारलाई ओलम्पिक विवाद समाधानका लागि तेस्रो विकल्प सुझाउन आग्रह गरे । ‘ओलम्पिक विवाद पहिला देखिनै अलमल छ’ उनले भने, ‘यसको समाधानका लागि पत्रकारहरुबाट पनि धारणा आउस भन्ने चाहन्छौं । ’
आधिकारिकता विवादका कारण नेपालमा दुई वटा एनओसी अस्तित्वमा छन् । जीवनराम श्रेष्ठको नेतृत्वमा रहेका कमिटीलाई आईओसी तथा ओसिएको मान्यता प्राप्त र रुक्म शमशेर राणाको नेतृत्वमा रहेको कमिटीलाई राष्ट्रिय मान्यता छ ।
February 5, 2025
हिमाल खरेल, बिर्तामोड झापाको बुद्धशान्तिस्थित जयपुरमा जारी आठौं नव ज्योति च्यालेन्ज कप फुटबल प्रतियोगितामा सुनसरीको न्यु स्टार एफसी विजयी भएको छ । आज भएको खेलमा भारतको सिलिगुडी युनाइटेडमाथि जित दर्ता गर्दै न्यु स्टार सेमिफाइनलमा प्रवेश गरेको हो । सिलिगुडीलाई १- ० ले हराउँदै न्यु स्टार अन्तिम चारमा पुगेको हो। न्यु स्टारका लागि खेलको इन्ज्युरी समयमा […]
February 5, 2025
काठमाडौं (हाम्रो खेलकुद)- दोस्रो एनएपिएफएस अन्तर स्कुल आइजी रनिङ ट्रफी फुटबल प्रतियोगितामा बुधवार कीर्तिपुरको पुष्पसदन बोर्डिङ स्कुल र कीर्तिपुरकै ग्रिन भिलेज एजुकेशन फाउण्डेशन विजयी भएका छन्। पहिलो खेलमा पुष्पसदनले नक्सालको राई स्कुललाई ५-१ ले हराएको थियो। पुष्पसदनका विशाल कुवँर र हिक्मत योगीले समान २ र बुद्ध लिम्बुले १ गोल गरे। विजयी टोलीका विशाल कुवँर प्लेयर […]
February 5, 2025
पोखरा (हाम्रो खेलकुद)- सुदूरपश्चिम विश्वविद्यालयका मुकेश विष्ट र त्रिभुवन विश्वविद्यालय (टियु) की विना थारुले दोश्रो विश्वविद्यालय खेलकुद महोत्सवको एथलेटिक्सको १ सय मिटर दौडमा बुधबार स्वर्ण जितेका छन् । मुकेश पुरुष तथा विना महिलामा पहिलो भए । पोखरा रंगशालामा बुधवार मुकेशले निर्धारित दूरी ११.२२ सेकेन्डमा पूरा गरे । ११.६५ सेकेन्ड समयमा काठमाडौं विश््रवविद्यालयका विकासकुमार शाह दोश्रो […]
